തിരുവനന്തപുരം: ലോറിയിൽനിന്ന് താഴെ വീണ കയർ സ്കൂട്ടറിന്‍റെ ടയറില്‍ കുടുങ്ങി യുവതി മരിച്ചു. പൂവാര്‍ ഉച്ചക്കട കുളത്തൂര്‍ സെന്‍റ് സേവിയേഴ്‌സ് പള്ളിക്ക് സമീപം തുമ്പക്കല്‍ ലക്ഷം വീട് കോളനിയില്‍ അനിതയാണ് മരിച്ചത്. ഇന്ന് രാവിലെ കരമനയില്‍ വെച്ചാണ് അപകടം നടന്നത്.
മുന്നിലൂടെ പോയ ലോറിയില്‍ കെട്ടിയിരുന്ന കയര്‍ അഴിഞ്ഞു റോഡിലേക്ക് വീഴുകയായിരുന്നു. തുടർന്ന് കയർ അനിതയുടെ സ്കൂട്ടറിന്‍റെ ടയറില്‍ കുടുങ്ങുകയും നിയന്ത്രണം തെറ്റി സ്കൂട്ടർ റോഡിന്‍റെ വശത്തേക്ക് മറിയുകയുമായിരുന്നു. വീഴ്ചയില്‍ ഡിവൈഡറില്‍ അനിതയുടെ തലയിടിച്ചു. ഇവരെ ഉടന്‍ തന്നെ ആശുപത്രിയില്‍ എത്തിച്ചെങ്കിലും മരിച്ചിരുന്നു.
Post Your Comments