പാളത്തിന്റെ അറ്റകുറ്റ പണികള്‍; പകൽ ട്രെയിനുകൾ ഓടുന്നില്ല

കൊച്ചി: അറ്റകുറ്റപ്പണികൾ നടക്കുന്നതിനാൽ കോട്ടയം വഴിയുള്ള 10 പാസഞ്ചര്‍ റദ്ദാക്കി. 4 എക്‌സ്പ്രസുകള്‍ വഴിതിരിച്ചുവിട്ടു. കൂടാതെ ഇന്നു രാവിലെ 9 മുതല്‍ 3 വരെ കോട്ടയം വഴിയുള്ള ട്രയിന്‍ ഗതാഗതം ഉണ്ടാകില്ല. ചിങ്ങവനം- ചങ്ങനാശ്ശേരി ഇരട്ടപ്പാത കമ്മീഷന്‍ ചെയ്യുന്നതിന്റെ ഭാഗമായാണിത്. കൊല്ലം–കോട്ടയം, കോട്ടയം–കൊല്ലം, കോട്ടയം വഴിയുള്ള എറണാകുളം–കായംകുളം , കായംകുളം–എറണാകുളം, ആലപ്പുഴ വഴിയുള്ള എറണാകുളം–കായംകുളം, കായംകുളം–എറണാകുളം, എറണാകുളം–ആലപ്പുഴ പാസഞ്ചര്‍ സര്‍വീസുകള്‍ പൂര്‍ണമായും റദ്ദാക്കി. എറണാകുളത്തുനിന്ന‌് കോട്ടയംവഴി കൊല്ലത്തേക്കും തിരിച്ചുമുള്ള നാല് മെമു ട്രെയിനുകളും റദ്ദാക്കിയിട്ടുണ്ട‌്.കരുനാഗപ്പള്ളി യാര്‍ഡ് അറ്റകുറ്റപ്പണി നടക്കുന്നതിനാല്‍ ഇന്നത്തെയും നാളെത്തെയും ആലപ്പുഴ – കൊല്ലം പാസഞ്ചര്‍ ട്രയിനുകള്‍ റദ്ദാക്കി.