ദില്ലി: വിമാനത്തിനുള്ളില്‍ പുകവലിക്കണമെന്ന ആവശ്യപ്പെട്ട യാത്രക്കാരനെ വിസ്താര എയര്‍ലൈന്‍സ് പുറത്താക്കി. അമൃത്സറില്‍നിന്ന് ദില്ലി വഴി കൊല്‍ക്കത്തയിലേക്ക് പോവുകയായിരുന്ന വിസ്താര എയര്‍ലൈന്‍സിന്റെ യു കെ 707 വിമാനത്തില്‍ വെള്ളിയാഴ്ചയായിരുന്നു സംഭവം. യാത്രക്കാരനൊപ്പം കുടുംബത്തെയും വിമാനത്തില്‍നിന്ന് പുറത്താക്കി. ബഹളത്തിനുശേഷം മൂന്ന് മണിക്കൂര്‍ വൈകിയാണ് വിമാനം പുറപ്പെട്ടത്.
വിമാനത്തിനുള്ളില്‍ വച്ച്‌ പുകവലിക്കണമെന്ന് യാത്രക്കാരന് അധികൃതരോട് ആവശ്യപ്പെടുകയായിരുന്നു. എന്നാല്‍ പുകവലിക്കാന്‍ പാടില്ലെന്ന് അധികൃതര്‍ യാത്രക്കാരന് താക്കീത് നല്‍കി. ഇതിനെതുടര്‍ന്ന് തന്നെയും കുടുംബത്തെയും വിമാനത്തില്‍നിന്ന് പുറത്തിറക്കണമെന്ന് യാത്രക്കാരന് അധികൃതരോട് ആവശ്യപ്പെട്ടു. തുടര്‍ന്ന് യാത്രക്കാരനെയും കുടുംബത്തെയും പുറത്തിറക്കിയതിനു ശേഷം വിമാനം പുറപ്പെടുകയായിരുന്നു.
Post Your Comments