ഈ രാജ്യത്തു നിന്നും സൈ​നി​ക​രെ പി​ന്‍​വ​ലി​ക്കാനൊരുങ്ങി അമേരിക്ക

വാ​ഷിം​ഗ്ട​ണ്‍ ഡി​സി: അ​ഫ്ഗാ​നി​സ്ഥാ​നി​ല്‍​നി​ന്നും സൈ​നി​ക​രെ പി​ന്‍​വ​ലി​ക്കാനൊരുങ്ങി അമേരിക്ക. സി​റി​യ​ക്കു പി​ന്നാ​ലെ അ​ഫ്ഗാ​നി​ലെ ഏ​ഴാ​യി​ര​ത്തോ​ളം സൈ​നി​ക​രെ ട്രം​പ് ഭ​ര​ണ​കൂ​ടം പി​ന്‍​വ​ലി​ക്കു​ക​യാ​ണെ​ന്ന് വൈ​റ്റ്ഹൗ​സ് അ​ധി​കൃ​ത​രെ ഉ​ദ്ധ​രി​ച്ച് വിവിധ യു​എ​സ് മാ​ധ്യ​മ​ങ്ങ​ള്‍ റി​പ്പോ​ര്‍​ട്ട് ചെയ്യുന്നു. എന്നാൽ ഇത് സം​ബ​ന്ധി​ച്ച സ്ഥി​രീ​ക​ര​ണം യു​എ​സ് പ്ര​തി​രോ​ധ​വ​കുപ്പിൽ നിന്നും ലഭിച്ചിട്ടില്ല. എന്നാൽ ​അഫ്ഗാ​നി​ല്‍​നി​ന്നും സൈ​നി​ക​രെ പി​ന്‍​വ​ലിച്ചാൽ വ​ലി​യ നാ​ശ​മാ​യി​രി​ക്കും ഉ​ണ്ടാ​കുകയെന്നുള്ള വിലയിരുത്തലിലാണ് നി​രീ​ക്ഷ​ക​ര്‍.

നേരത്തെ സി​റി​യ​യി​ല്‍​നി​ന്നും സൈ​നി​ക​രെ പി​ന്‍​വ​ലി​ക്കാ​നു​ള്ള ട്രം​പി​ന്‍റെ തീ​രു​മാ​ന​ത്തി​ല്‍ പ്ര​തി​ഷേ​ധമാറിയിച്ച്കൊണ്ട് പ്ര​തി​രോ​ധ സെ​ക്ര​ട്ട​റിയും ട്രം​പി​ന്‍റെ വി​ശ്വ​സ്ത​രി​ല്‍ പ്ര​ധാ​നി​യുമായിരുന്ന ജെ​യിം​സ് മാ​റ്റി​സ് രാ​ജി​വ​ച്ചി​രു​ന്നു.

സെ​പ്റ്റം​ബ​ര്‍ 11 ആ​ക്ര​മ​ണ​ത്തി​നു ശേ​ഷം 2001 മു​ത​ൽ ​യുഎ​സ് സൈ​ന്യം അ​ഫ്ഗാ​നി​ല്‍ പോരാട്ടത്തിലാണ്. 2014 ല്‍ അ​ഫ്ഗാ​നി​ലെ ഭീ​ക​ര​വി​രു​ദ്ധ പോ​രാ​ട്ടം ​ഔ​ദ്യോ​ഗി​ക​മാ​യി അ​മേ​രി​ക്ക​ന്‍ സ​ഖ്യ​സേ​ന അ​വ​സാ​നി​പ്പി​ച്ചി​രു​ന്നെങ്കിലും താ​ലി​ബാ​നെ പ്ര​തി​രോ​ധി​ക്കാ​ന്‍ സൈ​ന്യം അ​ഫ്ഗാ​നി​ല്‍ തു​ട​രു​ക​യാ​യി​രു​ന്നു.