മുംബൈ: കോളജില്‍ ആഘോഷത്തിനിടെ തിക്കിലും തിരക്കിലും പെട്ട് 15 പേര്‍ക്ക് പരിക്കേറ്റു. മുംബൈ പ്രാന്തത്തിലെ വിലെ പാര്‍ലെയിലുള്ള മിതിഭായ് കോളജിലാണ് അപകടം ഉണ്ടായത്. വ്യാഴാഴ്ച വൈകിട്ട് എട്ടരയോടെയായിരുന്നു അപകടം. പരിക്കേറ്റവരില്‍ മൂന്നുപേര്‍ ഐസിയുവില്‍ ചികിത്സയിലാണ്. ഏഴു പേരെ ചികിത്സ നല്‍കി വിട്ടയച്ചു.
കോളജിലെ വാര്‍ഷികാഘോഷത്തോട് അനുബന്ധിച്ചാണ് അപകടമുണ്ടായത്. പരിപാടി നടന്ന ഹാളില്‍ തിരക്ക് കൂടുതലായിരുന്നെന്നും ശ്വാസം കിട്ടാത്തതിനെ തുടര്‍ന്നാണ് തിക്കും തിരക്കും സംഭവിച്ചതെന്നും മുംബൈ പോലീസ് ജോയിന്റ് കമ്മീഷണര്‍ ദേവന്‍ ഭാരതി അറിയിച്ചു. അതേസമയം, ഒരു പ്രസിദ്ധ ബാന്‍ഡിന്റെ പ്രകടനം വീക്ഷിക്കുന്നതിനായി ഒരു കൂട്ടം കുട്ടികള്‍ ഇടിച്ചുകയറാന്‍ ശ്രമിച്ചതാണ് അപകടത്തിനു കാരണമായതെന്ന് ബ്രിഹന്‍മുംബൈ മുനിസിപ്പല്‍ കോര്‍പറേഷന്‍ പറഞ്ഞു.
Post Your Comments