മുന്‍ തമിഴ്‌നാട് മുഖ്യമന്ത്രിയും തമിഴ് മക്കളുടെ പ്രിയപ്പെട്ട അഭിനേത്രിയുമായിരുന്ന ജയലളിതയുടെ ജീവിത കഥ സിനിമയാകുന്നു. ഇതിനായി നിരവധി സംവിധായകര്‍ രംഗത്ത് വന്നിരുന്നു. എന്നാല്‍ ഒടുവില്‍ സംവിധായിക പ്രിയദര്‍ശനി ജയലളിതയുടെ ജീവിതം സിനിമയായി ഒരുങ്ങുകയാണ്. ദ അയണ്‍ ലേഡി എന്നാണ് സിനിമയ്ക്ക് ഇട്ടിരിക്കുന്ന പേര്. അതേസമയം ഭാരതിരാജയും എ എല്‍ വിജയ്‌യും ജയലളിതയുടെ ജീവിതം സിനിമയാക്കാന്‍ ആലോചിക്കുന്നുണ്ട്. കൂടാതെ ജയലളിതയുടെ ജീവിതം മിനി സ്‌ക്രീനില്‍ എത്തിക്കാന്‍ ഗൌതം വാസുദേവ് മേനോന്‍ തയ്യാറെടുക്കുന്നുവെന്നതാണ് ഏറ്റവും പുതിയ വാര്‍ത്ത.
എന്ത് തന്നെയായാലും മിനി സ്‌ക്രീനില്‍ എത്തുന്ന പരമ്പരയില്‍ രമ്യാ കൃഷ്ണനാകും ജയലളിതയായി അഭിനയിക്കുക. 30 എപ്പിസോഡുകളിലായിട്ടാണ് പരമ്പര ഒരുക്കുക. രഞ്ജിത്, വിനിത തുടങ്ങി ഒട്ടേറെ താരങ്ങള്‍ ഈ പരമ്പരയില്‍ അഭിനയിക്കും.
Post Your Comments