കുറഞ്ഞ വിലയിൽ കിടിലൻ ഫീച്ചറുകൾ : ഏവരും കാത്തിരുന്ന ഫോണിന്റെ വിൽപ്പന ആരംഭിച്ച് റിയല്‍മി

ഒപ്പോയുടെ ഉപ ബ്രാന്‍ഡായ റിയല്‍മിയുടെ പുതിയ മോഡൽ ഫോൺ യു1ന്റെ വിൽപ്പന ഇന്ത്യയിൽ ആരംഭിച്ചു. 3ജിബി റാം വേരിയന്റിന്റെ വിൽപ്പനയാണ് ഇന്ന് തുടങ്ങിയത്. കഴിഞ്ഞ മാസം റിയല്‍മി യു1ന്റെ 4ജിബി റാം വേരിയന്റ് വിപണിയില്‍ എത്തിയിരുന്നു.

6.3 ഇഞ്ച് ഫുള്‍ എച്ച്ഡി ഡ്യൂഡ്രോപ്പ് നോച്ച് ഡിസ്പ്‌ളെ, മീഡിയടേക് ഹീലിയോ പി70 പ്രോസസ്സര്‍, 13എംപി, 2എംപി സെക്കന്‍ഡറി സെൻസർ റിയർ ക്യാമറ,25 എംപി മുന്‍ക്യാമറ, ഫിംഗര്‍ പ്രിന്റ് സെന്‍സര്‍, 3500എംഎഎച്ച് ബാറ്ററി എന്നിവയാണ് പ്രധാന പ്രത്യേകത. 3ജിബി/4ജിബി റാം, 32ജിബി/64ജിബി ഇന്റേണല്‍ സ്റ്റോറേജ് വേരിയന്റ് ഫോൺ ആന്‍ഡ്രോയിഡ് 8.1 ഓറിയോയിലായിരിക്കും പ്രവർത്തിക്കുക.

ആമസോണില്‍ മാത്രമാണ് ഇരു വേരിയന്റുകളും ലഭിക്കുക. 3ജിബി വേരിയന്റിന്റ് ലോഞ്ചിന്റെ ഭാഗമായി 1,999 രൂപയാണ് വില . ഇതോടൊപ്പം ജിയോ തണ്ടര്‍ ഓഫര്‍ നല്‍കുന്ന 2,500 രൂപയുടെ ക്യാഷ്ബാക്ക് ലഭിക്കും. 198/299 രൂപയുടെ പ്രീപെയ്ഡ് റീചാര്‍ജ് ചെയ്യുന്നവര്‍ക്കാണ് ഈ ഓഫർ ലഭിക്കുക. ജിയോ ഉപഭോക്താക്കളുടെ മൈജിയോ അക്കൗണ്ടിലേക്കാണ് ഓഫര്‍ തുക എത്തുക കൂടാതെ ആറ് മാസം കാലാവധിയുള്ള ക്ലിയര്‍ട്രിപ്പ് ഇ കൂപ്പണും ലഭിക്കും. ഇതുക്കൂടാതെ ബജാജ് ഫിന്‍സെര്‍വ്വ്, പ്രമുഖ ബാങ്കുകള്‍ നല്‍കുന്ന നോകോസ്റ്റ് ഇഎംഐ വഴി ഫോൺ സ്വന്തമാക്കാം.