കൊച്ചി: വനിതാ മതിലുമായി ബന്ധപെട്ടു സുപ്രധാന നിരീക്ഷണങ്ങളുമായി ഹൈക്കോടതി. വനിതാ മതില്‍ സംഘടിപ്പിക്കുന്നതില്‍ എന്താണ് കുഴപ്പമെന്ന് ഇതിനെതിരായ ഹർജി പരിഗണിക്കവെ ഹൈക്കോടതി ചോദിച്ചു. സര്‍ക്കാര്‍ വനിതാ മതിലില്‍ പങ്കെടുക്കാന്‍ ആരെയും നിര്‍ബന്ധിക്കുന്നില്ല. എല്ലാ വകുപ്പുകളോടും പങ്കെടുക്കണമെന്ന് സര്‍ക്കാര്‍ അഭ്യര്‍ത്ഥിക്കുക മാത്രമാണ് ചെയ്തതെന്നും അതില്‍ നിര്‍ബന്ധിക്കലില്ലെന്നും, അവരവരാണ് വനിതാ മതിലില്‍ പങ്കെടുക്കേണ്ടതുണ്ടോയെന്ന് തീരുമാനിക്കേണ്ടതെന്നും ഹൈക്കോടതി പറഞ്ഞു.
അതോടൊപ്പം തന്നെ ജീവനക്കാർക്ക് വനിത മതലിൽ പങ്കെടുക്കണമെന്ന നിർബന്ധമുണ്ടോയെന്നും പങ്കെടുക്കാത്തവർക്കെതിരെ ശിക്ഷാ നടപടി ഉണ്ടാകുമോ എന്നു സർക്കാർ അറിയിക്കണമെന്നും ഹൈക്കോടതി ആവശ്യപ്പെട്ടു. വ്യാഴാഴ്ച കേസ് വീണ്ടും പരിഗണിക്കും.
Post Your Comments