പ്രഭാത ഭക്ഷണത്തിന് ഒരുക്കാം വെജിറ്റബിൾ ചപ്പാത്തി

ചപ്പാത്തിയുണ്ടാക്കുന്നത് പൊതുവില്‍ പരിചിതമായ കാര്യമാണ്. അരി ആഹാരങ്ങള്‍ ഉപേക്ഷിക്കാന്‍ താല്‍പര്യമുള്ളവര്‍ പൊതുവില്‍ ആശ്രയിക്കുന്നത് ചപ്പാത്തിയെ തന്നെയാണ്. ശരീരത്തില്‍ കൊഴുപ്പ് അടിഞ്ഞുകൂടുന്നത് കുറയ്ക്കാന്‍ ചപ്പാത്തി ശീലിക്കുന്നതിലൂടെ സാധിക്കും. എങ്കില്‍ കഴിക്കുന്ന ചപ്പാത്തി കുറേകൂടി പോഷകസമൃദ്ധമായാലോ ഇവിടെയിതാ വെജിറ്റബിള്‍ ചപ്പാത്തിയുണ്ടാക്കുന്നവിധം.
ചേരുവകള്‍

ഗോതമ്പ് പൊടി : 1 കപ്പ്

ഉരുളക്കിളങ്ങ് : 250 ഗ്രാം

കാബേജ് 100 ഗ്രാം

പച്ചമുളക് : 4 എണ്ണം

കുരുമുളക്‌പൊടി: 1ടീസ്പൂണ്‍

ചെറിയുള്ളി: 5 എണ്ണം

അരിപ്പൊടി : 1 ടേബിള്‍ സ്പൂണ്‍

ഡാല്‍ഡ: 1 ടേബിള്‍ സ്പൂണ്‍

ഉപ്പ് : ആവശ്യത്തിന്

ഉണ്ടാക്കുന്നവിധം

ഗോതമ്പ് പൊടിയില്‍ ആവശ്യത്തിന് അല്‍പ്പം ഇളം ചൂട് വെള്ളം ചേര്‍ത്ത് നന്നായി കുഴച്ചെടുക്കുക. എന്നിട്ട് 10 ഉരുളകളാക്കുക. ഉരുളക്കിഴങ്ങ് പുഴുങ്ങി തൊലി ഉരിച്ചെടുത്തതിന് ശേഷം നന്നായി ഉടയ്ക്കുക

കാബേജ്, പച്ചമുളക്. ചെറിയുള്ളി എന്നിവ അരിഞ്ഞെടുക്കുക. ഉടച്ച് വെച്ച ഉരുളക്കിഴങ്ങുമായി ഇവ കൂട്ടിചേര്‍ക്കുക. അതില്‍ കുരുമുളക് പൊടി വിതറുക. ഇതും 10 ഉരുളകളാക്കുക. ഇത് കുഴച്ച് വെച്ച ഗോതമ്പ് ഉരുളകള്‍ക്കുള്ളില്‍ ഇത് നിറയ്ക്കുക.അല്‍പ്പം അരിപ്പൊടി വിതറി ഓരോ ഉരുളകളും പരത്തിയെടുത്ത് ചുട്ടെടുക്കുക.