കോട്ടയം: സംസ്ഥാനത്ത് വനിതാ സ്പെഷല് പോലീസിനെ രണ്ടു ദിവസത്തിനകം നിയമിക്കും. അന്‍പതിലധികം വനിതകളാണ് സ്പെഷല് പോലീസ് നിയമനത്തിന് അപേക്ഷ നല്കിയിട്ടുള്ളത്. അപേക്ഷകള്‍ ജില്ലാ പോലീസ് മേധാവി പരിശോധിച്ച് ഇവരെ സംബന്ധിച്ച വിവരങ്ങള്‍ അന്വേഷിക്കാനായി സ്പെഷല് ബ്രാഞ്ച് പോലീസിന് നല്കിയിരിക്കുകയാണ്. യുവതികള്‍ക്കെതിരേ എന്തെങ്കിലും തരത്തിലുള്ള കേസുകളുണ്ടോ എന്നും മറ്റുമാണ് അന്വേഷിക്കുന്നത്. സ്പെഷല് ബ്രാഞ്ച് റിപ്പോര്‍ട്ട് കിട്ടിയാലുടന്‍ നിയമനം നല്കും.
ശബരിമല ഇടത്താവളങ്ങളിലും ട്രാഫിക് ഡ്യൂട്ടിയുമാണ് വനിതാ സ്പെഷല് പോലീസിന് നല്കുന്നത്. കൂടുതലും ശബരിമല ഇടത്താവളങ്ങള്‍ കേന്ദ്രീകരിച്ചുള്ള ഡ്യൂട്ടിയാകും നല്കുക. ഇവരുടെ യൂണിഫോമില്‍ സ്പെഷല് പോലീസ് എന്ന ബാഡ്ജ് ഉണ്ടാകും. ദിവസം 645 രൂപയാണ് വേതനം നിശ്ചയിച്ചിരിക്കുന്നത്.
Post Your Comments