അമൃത്സര്‍: പോലീസ് കസ്റ്റഡിയിലിരിക്കെ യുവാവ് മരിച്ചു. പഞ്ചാബിലെ അമൃത്സറിലെ പോലീസ് കസ്റ്റഡിയിലെടുത്ത യുവാവാണ് മരിച്ചത്. മയക്കു മരുന്നു കേസില്‍ അറസ്റ്റിലായ ബിട്ടു ഷായാണ് മരിച്ചത്. ഞായറാഴ്ചയായിരുന്നു സംഭവം.
ബിട്ടുവിന്‍റെ മരണത്തിനു കാരണക്കാരായ പോലീസുകാർക്കെതിരെ കര്‍ശന നടപടി സ്വീകരിക്കണമെന്ന് ബന്ധുക്കൾ ആവശ്യപ്പെട്ടു. ബിട്ടുവിന്‍റെ മരണത്തെ തുടര്‍ന്നു പോലീസ് സ്റ്റേഷനു നേരെയുണ്ടായ പ്രതിഷേധത്തില്‍ രണ്ട് പോലീസുകാര്‍ക്ക് പരിക്കേറ്റിരുന്നു. സംഭവത്തില്‍ അന്വേഷണം ആരംഭിച്ചതായി മുതിർന്ന പോലീസ് ഉദ്യോഗസ്ഥർ വ്യക്തമാക്കി.
Post Your Comments