ധീരജവാന്മാരുടെ വിധവകൾക്കും മക്കൾക്കും സാമ്പത്തിക സഹായം നൽകുന്നതിനുള്ള ഫണ്ട് കണ്ടെത്തൽ; സായുധസേനാ പതാക വിൽപന ഉദ്ഘാടനം ചെയ്‌ത്‌ ഗവർണർ

സായുധസേനാ പതാകദിനത്തോടനുബന്ധിച്ചുള്ള സായുധസേനാ പതാക വിൽപനയുടെ ഉദ്ഘാടനം ഗവർണർ പി. സദാശിവം രാജ്ഭവനിൽ നിർവഹിച്ചു. രാജ്യസുരക്ഷയ്ക്കുവേണ്ടി ജീവത്യാഗം ചെയ്ത ധീരജവാന്മാരെ അനുസ്മരിക്കുന്നതോടൊപ്പം അവരുടെ വിധവകൾക്കും മക്കൾക്കും സാമ്പത്തിക സഹായം നൽകുന്നതിനുള്ള ഫണ്ട് കണ്ടെത്താനുള്ള ശ്രമങ്ങൾ പതാക വിൽപനയിലൂടെ ഊർജിതമാക്കണമെന്നും അദ്ദേഹം പറഞ്ഞു. എൻ. സി. സി അഡീഷണൽ ഡയറക്ടർ ജനറൽ ബ്രിഗേഡിയർ ജോഷി, ഐ. ജി ശ്രീജിത്ത്, ഇൻഫർമേഷൻ പബ്‌ളിക് റിലേഷൻസ് വകുപ്പ് അഡീഷണൽ ഡയറക്ടർ പി. എസ്. രാജശേഖരൻ, ദൂരദർശൻ പ്രതിനിധി കെ. കൃഷ്ണദാസ്, ആകാശവാണി സ്‌റ്റേഷൻ ഡയറക്ടർ ആർ. വിമലസേനൻ, എൻ.സി.സി കേഡറ്റുകളായ ആഷിക്. എ, വിഷ്ണുദേവ് ജി., ടിനദാസ് എസ്.ബി, ഗ്രീഷ്മ എം.പി എന്നിവർ പങ്കെടുത്തു.