വള്ളിയൂര്‍: പ്രണയാഭ്യര്‍ഥന നിരസിച്ച ഇരുപത്തിമൂന്നുകാരിയെ യുവാവ് കുത്തിക്കൊലപ്പെടുത്തി. തക്കല സ്വദേശിയും തിരുനെല്‍വേലി വള്ളിയൂരിലെ ടെക്സ്റ്റയില്‍സ് ഷോപ്പിലെ ജീവനക്കാരിയുമായിരുന്ന മെഴ്സി ആണ് മരിച്ചത്. സംഭവത്തില്‍ തിരുനെല്‍വേലി തിരുക്കുറുങ്കുടി സ്വദേശി രവീന്ദ്രനെ പൊലീസ് പിടികൂടി. മെഴ്സി ജോലി ചെയ്യുന്ന സ്ഥാപനത്തിലെ ജീവനക്കാരനായിരുന്നു രവീന്ദ്രന്‍.
രണ്ടാഴ്ച മുമ്പ് രവീന്ദ്രന്‍ ടെക്സ്റ്റയില്‍ ഷോപ്പിലെ ജോലി മതിയാക്കി പിരിഞ്ഞുപോയി. ഇതിനിടെയാണ് കഴിഞ്ഞദിവസം വൈകിട്ട് വള്ളിയൂര്‍ ബസ് നിലയത്തിന് സമീപത്ത് വെച്ച് ഇരുവരും തമ്മില്‍ വാക്കു തര്‍ക്കം ഉണ്ടായത്. തുടര്‍ന്ന് രവീന്ദ്രന്‍ മേഴ്സിയെ കുത്തുകയായിരുന്നു. കഴുത്തിന് കുത്തേറ്റ് മേഴ്സി ആശുപത്രിയില്‍ വെച്ചാണ് മരിച്ചത്.
Post Your Comments