കൊച്ചി: എറണാകുളത്തെ പട്ടിമറ്റം പോലീസ് സ്റ്റേഷന്‍ അതിര്‍ത്തിയില്‍നിന്നും മൂന്ന് ബോഡോ തീവ്രവാദികളെ പോലീസ് അറസ്റ്റ് ചെയ്തു. കേന്ദ്ര ഇന്‍റലിജന്‍സ് ബ്യൂറോയും ആസാം പോലീസും നൽകിയ വിവരങ്ങളുടെ അടിസ്ഥാനത്തിലാണ് അറസ്റ്റ്. കൊച്ചിയിലെ പട്ടിമറ്റത്ത് മണ്ണൂരിനു സമീപം പ്ലൈവുഡ് കമ്പനിയില്‍നിന്നുമാണ് ഇവരെ അറസ്റ്റു ചെയ്തത്.
അറസ്റ്റിലായ മൂവരും ആസാം സ്വദേശികള്‍ തന്നെയാണ്. മൂവരും രണ്ടാഴ്ച മുമ്പാണ് ഈ കമ്പനിയില്‍ ജോലിക്കെത്തിയതെന്നാണ് വിവരം. പെരുമ്പാവൂര്‍ ഡിവൈഎസ്പിയുടെ നേതൃത്വത്തിലുള്ള പോലീസ് സംഘം ബുധനാഴ്ച രാത്രി പ്ലൈവുഡ് കന്പനി വളഞ്ഞാണു ഇവരെ പിടികൂടിയത്. കമ്പനിയില്‍ ഇന്നും പോലീസ് പരിശോധന നടത്തുന്നുണ്ട്. മൂന്നുപേരെയും ആസാം പോലീസ് തിരിച്ചറിഞ്ഞു കഴിഞ്ഞു.
Post Your Comments