മകള്‍ക്കൊപ്പം ശബരിമല ദര്‍ശനം നടത്താന്‍ ഒരുങ്ങുന്ന അയ്യപ്പ ഭക്തന്റെ ഓട്ടോ തകര്‍ത്തു

പയ്യന്നൂര്‍: മകള്‍ക്കൊപ്പം ശബരിമല ദര്‍ശനം നടത്താന്‍ ഒരുങ്ങുന്ന അയ്യപ്പ ഭക്തന്റെ ഓട്ടോറിക്ഷ തകര്‍ത്തു. സംഭവം കണ്ണൂരിലാണ്. സ്വാമിമുക്ക് പുത്തൂര്‍ റോഡിന് സമിപം താമസിക്കുന്ന അലുമിനിയം ഫാബ്രിക്കേഷന്‍ തൊഴിലാളി പുതുപ്പറമ്പില്‍ ജയേഷിന്റെ ഓട്ടോയാണ് അക്രമികല്‍ തകര്‍ത്തത്. ഇന്ന് പുലര്‍ച്ചെ ജയേഷിന്റെ വീട്ടുമുറ്റത്തുണ്ടായിരുന്ന ഓട്ടോയാണ് ചെങ്കല്ലുപയോഗിച്ച് തകര്‍ത്തിരിക്കുന്നത്. ശബ്ദം കേട്ട് വീട്ടുകാര്‍ ഉണര്‍ന്ന് പുറത്തുവന്നെങ്കിലും അക്രമികള്‍ ഓടി രക്ഷപ്പെട്ടു. ജയേഷ് തികഞ്ഞ അയ്യപ്പഭക്തനാണ്. ഈ വര്‍ഷം രണ്ടാം തവണയാണ് ഇയാള്‍ ശബരിമല സന്ദര്‍ശനത്തിനൊരുങ്ങുന്നത്. കഴിഞ്ഞ ചിത്രാട്ടത്തിന് ദര്‍ശനം നടത്തിയിരുന്നു. ദിവസങ്ങള്‍ക്ക് മുമ്പ് ജയേഷിനെ ചിലര്‍ ഭീഷണപ്പെടുത്തിയതായി റിപ്പോര്‍ട്ടുകളുണ്ട്.