വിവാഹാഭ്യർഥന നിരസിച്ച 16 കാരിയെ യുവാവ് വെട്ടിക്കൊന്നു

ബെം​ഗളുരു: വിവാഹാഭ്യർഥന നിരസിച്ചതിന് 16 കാരിയെ 28 കാരൻ വെട്ടിക്കൊന്നു.

ദൊഡ്ഡബെല്ലാപുര സ്വദേശിനിയായ കീർത്തന(16) ആണ് സഹോദരി ഭർത്താവിന്റെ അനുജനായ നവീന്റെ (28) വെട്ടേറ്റ് മരിച്ചത്.

കീർത്തനയെ വിവാഹം ചെയ്ത് കൊടുക്കാനുള്ള യുവാവിന്റെ ഇഷ്ടത്തെ മാനിച് കീർത്തനയുടെ മാതാപിതാക്കൾ വിവാഹത്തിനുള്ള സന്നദ്ധത അറിയിച്ചിരുന്നു‌.

എന്നാൽ പഠനമാണ് വലുതെന്ന ഉത്തമബോധ്യം ഉണ്ടായിരുന്ന കീർത്തനയെ അനുനയിപ്പിക്കാനുള്ള ശ്രമങ്ങൾ വിഫലമായിരുന്നു. സ്കൂളിന് മുന്നിൽ തടഞ്ഞ് നിർത്തി വിവാഹ കാര്യം നവീൻ പറഞ്ഞതോടെ സമ്മതമല്ലെന്ന് തുറന്ന് പറഞ്ഞ കീർത്തനയെ അരിവാളിന്  വെട്ടികൊലപ്പെടുത്തുകയായിരുന്നു. തുടർന്ന് വിഷം കഴിച്ച് ആത്മഹത്യക്ക് ശ്രമിച്ച യുവാവിനെ ആശുപത്രിയിൽ പ്രവേശിപ്പിച്ചു.