ഡല്‍ഹി: തന്നെ സിബിഐ ഡയറക്ടര്‍ സ്ഥാനത്തു നിന്ന് മാറ്റിയ നടപടിയെ ചോദ്യം ചെയ്തുകൊണ്ട് അലോക് വര്‍മ്മ സമര്‍പ്പിച്ച ഹര്‍ജി സുപ്രീംകോടതി ഇന്ന് പരിഗണിക്കും. കേന്ദ്ര വിജിലന്‍സ് കമ്മീഷന്‍ മുദ്ര വച്ച കവറില്‍ കേസ് അന്വേഷണ റിപ്പോര്‍ട്ടുകള്‍ സുപ്രീം കോടതിയില്‍ സമര്‍പ്പിച്ചിരുന്നു. എന്നാല്‍ ഈ റിപ്പോര്‍ട്ടിനുള്ള അലോക് വര്‍മ്മയുടെ മറുപടി ന്യൂസ് പോര്‍ട്ടല്‍ വയറില്‍ വന്നത് ചീഫ് ജസ്റ്റിസിനെ ചൊടിപ്പിച്ചു. തുടര്‍ന്ന് കഴിഞ്ഞ തവണ കേസ് പരിഗണിച്ചപ്പോള്‍ ഇതിനെതിരെ രൂക്ഷ വിമര്‍ശനമായിരുന്നു അദ്ദേഹം ഉന്നയിച്ചത്. മാത്രമല്ല ഈ വിവരങ്ങള്‍ ചോര്‍ത്തി നല്‍കിയവരെ വിളിച്ച് വരുത്താന്‍ ചീഫ് ജസ്റ്റിസ് അലോക് വര്‍മ്മയുടെ അഭിഭാഷകനോട് ആവശ്യപ്പെടുകയും ചെയ്യ്തു. ഫാലി എസ് നരിമാന്‍ ആണ് അലോക് വര്‍മ്മയുടെ അഭിഭാഷകന്‍.
Post Your Comments