റാസല്‍ഖൈമ: യുഎഇയില്‍ ഭാര്യയെ നാല് തവണ തല്ലിയ യുവാവിന് കോടതി വിധിച്ചത് 2000 ദിര്‍ഹം പിഴ. ഗാര്‍ഹിക പീഡനത്തിനെതിരെ റാസല്‍ഖൈമ പൊലീസില്‍ ലഭിച്ച പരാതിയിലാണ് കോടതി വിധി. ഭാര്യയുടെ മുഖത്ത് നാല് തവണ അടിച്ചുവെന്നാണ് കേസ്. ഭര്‍ത്താവിന്റെ അതിക്രമങ്ങള്‍ അവസാനിക്കാതിരുന്നതിനെ തുടർന്നാണ് യുവതി പോലീസിൽ പരാതി നൽകിയത്.
തന്നെ പല തവണ ശാരീരികമായി ഉപദ്രവിച്ചിട്ടുണ്ടെന്നും ഏറ്റവുമൊടുവില്‍ വാക്കുതര്‍ക്കത്തിനിടെ നാല് തവണ മുഖത്തടിച്ചുവെന്നും യുവതി കോടതിയിൽ പറഞ്ഞു. എന്നാല്‍ ഭാര്യയെ മര്‍ദ്ദിക്കാന്‍ താന്‍ ഉദ്ദേശിച്ചിരുന്നില്ലെന്നായിരുന്നു ഭര്‍ത്താവിന്റെ മറുവാദം. എത്ര തവണ തല്ലിയെന്ന് താന്‍ ഓര്‍ക്കുന്നില്ലെന്നും രമ്യമായി പരിഹരിക്കാവുന്ന കുടുംബ കാര്യങ്ങള്‍ ഭാര്യ കോടതി കയറ്റിയെന്നും ഇയാള്‍ പറഞ്ഞു. വിചാരണയ്ക്കൊടുവില്‍ ഭര്‍ത്താവ് കുറ്റകാരനാണെന്ന് കണ്ടെത്തിയതിനെ തുടര്‍ന്ന് രണ്ടായിരം ദിര്‍ഹം പിഴ ശിക്ഷ അടയ്ക്കാന്‍ കോടതി വിധിച്ചത്.
Post Your Comments