ഫുജൈറ: ഫുജൈറയിലുണ്ടായ വാഹനാപകടത്തില്‍ ഗുരുതരമായി പരുക്കേറ്റ എമിറാത്തി യുവാവ് മരിച്ചു. ഫുജൈറയിലെ അല്‍ ബദിയ ഏരിയയില്‍ വച്ചാണ് അപകടമുണ്ടായത്. വാഹനത്തിന്റെ നിയന്ത്രണം നഷ്ടപ്പെട്ടതോടെ കാര്‍ അപകടത്തില്‍ പെടുകയായിരുന്നു.
തിങ്കളാഴ്ച രാത്രി 12 മണിയോടെയാണ് അപകടം ഉണ്ടായത്. അപകടത്തെക്കുറിച്ച് ഒരു ഓപ്പറേഷന്‍ റൂമില്‍ വിവരം ലഭിച്ചതായി ഡിബിബ ഫുജൈറ പോലീസ് ഡയറക്ടര്‍ കേണല്‍ സെയ്ഫ് റാഷിദ് അല്‍ സഹ്മി പറഞ്ഞു. തുടര്‍ന്ന് സംഭവസ്ഥലത്ത് ട്രാഫിക് പട്രോളിങ്, ആംബുലന്‍സ് എന്നിവ എത്തി രക്ഷാപ്രവര്‍ത്തനങ്ങള്‍ നടത്തി. യുവാവിനെ ആശുപത്രിയില്‍ പ്രവേശിപ്പിച്ച് അടിയന്തര ജീവന്‍രക്ഷാ പ്രവര്‍ത്തനങ്ങള്‍ നടത്തിയെങ്കിലും രണ്ടുമമണിക്കൂറുകള്‍ക്കകം യുവാവ് മരിക്കുകയായിരുന്നു.
Post Your Comments