റാഖൈന്‍: ബംഗ്ലാദേശില്‍ നിന്നും റോഹിംഗ്യകളെ തിരിച്ചുകൊണ്ടുവരുന്നതിനെതിരെ മ്യാന്‍മറിലെ റാഖൈനില്‍ ബുദ്ധ സന്യാസികള്‍ പ്രതിഷേധ സമരം നടത്തി. ചുവപ്പ് ബാനറുകളും മന്ത്രങ്ങളുമായി നടന്ന സമരത്തില്‍ നൂറോളം പേര്‍ പങ്കെടുത്തു. നമുക്കോ നമ്മുടെ രാജ്യത്തിനോ ബംഗാളികളെക്കൊണ്ട് യാതൊരു ഗുണവുമില്ലെന്നും ഫേസ്ബുക്ക് ലൈവില്‍ പ്രതിഷേധ മാര്‍ച്ചിന്‍റെ നേതാക്കള്‍ പറയുന്നുണ്ട്. റോഹിംഗ്യകളെ ബെംഗാളികളെന്നും ലൈവില്‍ പറയുന്നുണ്ട്..
2017 ആഗസ്റ്റിലുണ്ടായ സൈനിക ആക്രമണത്തെ തുടര്‍ന്ന് മ്യാന്‍മറില്‍ നിന്ന് പലായനം ചെയ്ത റോഹിംഗ്യകളെ തിരികെ കൊണ്ടുവരുന്നതിന് ഭരണകൂടം തീരുമാനിച്ചതിന് പിന്നാലെയാണ് പ്രതിഷേധം. റോഹിംഗ്യകളെ തിരികെ കൊണ്ടുവരാന്‍ തീരുമാനം ഉണ്ടായെങ്കിലും അഭയാര്‍ത്ഥി ക്യാമ്ബുകളില്‍ കഴിയുന്ന റോഹിംഗ്യകള്‍ക്ക് തിരികെ പോവുന്നതിനെക്കുറിച്ച്‌ ഭയമാണ്. പൗരത്വം, സുരക്ഷ, തുല്ല്യ വിദ്യാഭ്യാസത്തിനും ആരോഗ്യത്തിനും അനുമതി ലഭിക്കുമോ തുടങ്ങിയ കാര്യങ്ങളിലാണ് റോഹിംഗ്യകള്‍ക്ക് ആശങ്ക .
Post Your Comments