ജിയോയെ കടത്തി വെട്ടാൻ പുതിയ റീചാർജ് പ്ലാനുമായി എയർടെൽ

പുതിയ റീചാർജ് പ്ലാനുമായി എയർടെൽ. ജിയോയുടെ 349 രൂപയുടെ ഓഫറിന് സമാനമായ 419രൂപയുടെ റീചാർജ് പ്ലാനാണ് എയർടെൽ അവതരിപ്പിച്ചത്. ദിവസേനെ 1.4 ജിബി ഡാറ്റ, ഫ്രീ ലോക്കൽ/എസ്ടിഡി വോയിസ് കോൾ, 100 എസ്എംഎസ് എന്നിവ 75 ദിവസത്തെ കാലാവധിയോട് കൂടി ഈ ഓഫറിൽ ലഭ്യമാക്കിയിട്ടുണ്ട്. അതോടൊപ്പം തന്നെ ചില തിരഞ്ഞെടുത്ത ഉപഭോക്താക്കൾക്ക് ഈ പ്ലാനിൽ 84 ദിവസം കാലാവധി ലഭിച്ചേക്കാം.എയർടെലിന്റെ തന്നെ 349 രൂപ പ്ലാനിൽ 1.4 ജിബി ഡാറ്റ, ഫ്രീ ലോക്കൽ/എസ്ടിഡി വോയിസ് കോൾ, 100 എസ്എംഎസ് എന്നിവ 70 ദിവസത്തെ കാലാവധിയോട് കൂടി ലഭിക്കുന്നു.

ജിയോയുടെ 349 രൂപ പ്ലാനിലാകട്ടെ 1.5 ജിബി ഡാറ്റ, ഫ്രീ ലോക്കൽ/എസ്ടിഡി വോയിസ് കോൾ, 100 എസ്എംഎസ് എന്നിവ 70 ദിവസത്തെ കാലാവധിയിൽ ലഭിക്കുന്നു.