തൃശൂർ : ഫേസ്‌ബുക്കിലൂടെ പരിചയം നടിച്ച ശേഷം സ്കൂൾ വിദ്യാർത്ഥിനിയെ പീഡിപ്പിച്ച യുവാവ് അറസ്റ്റില്‍. തൃശൂര്‍ പള്ളം പള്ളിക്കല്‍ നായട്ടുവളപ്പില്‍ അബ്ദുറഹീമാണ് പോലീസിന്റെ പിടിയിലായത്.സ്വകാര്യ ബസ് ക്ലീനറാണ് പ്രതിയായ അബ്ദുറഹീം.
ഫേസ്‌ബുക്കിലൂടെ തൃശൂർ സ്വദേശിയായ പതിനാറുകാരിയുമായി ബന്ധം സ്ഥാപിച്ച ശേഷം ഇയാൾ വിവാഹ വാദഗ്ദാനം നല്‍കി പ്രലോഭിപ്പിച്ച് പെൺകുട്ടിയെ കോഴിക്കോട്ടേക്ക് വിളിച്ചുവരുത്തി. പെൺകുട്ടിയുടെ കൈവശമുണ്ടായിരുന്ന സ്വര്‍ണ്ണാഭരണങ്ങള്‍ അവിടെ ജ്വല്ലറിയില്‍ വിറ്റ് പണവുമായി ബംഗളുരുവിലേക്ക് പോയി. അവിടെ ഒരു ലോഡ്ജില്‍ താമസിച്ച് പെൺകുട്ടിയെ പീഡിപ്പിക്കുകയായിരുന്നു.
പെൺകുട്ടിയുടെ മാതാപിതാക്കള്‍ പോലീസില്‍ പരാതി നല്‍കിയതറിഞ്ഞതോടെ പ്രതി മുംബൈയിലേക്ക് കടന്നു. മുംബൈയിൽ മലയാളി സുഹൃത്തിന്റെ വീട്ടിൽ കൊണ്ടുപോയ ശേഷവും കുട്ടിയെ പീഡിപ്പിച്ചു. ഇവിടെയെത്തിയാണ് പോലീസ് അബ്ദുറഹീമിനെ അറസ്റ്റ് ചെയ്തത്. ഇയാൾ ഇത്തരത്തിൽ നിരവധി പെൺകുട്ടികളെ പീഡിപ്പിച്ചിട്ടുണ്ടെന്ന് പോലീസ് അന്വേഷണത്തിൽ കണ്ടെത്തി. പോക്സോ നിയമപ്രകാരം അറസ്റ്റിലായ അബ്ദുറഹീമിനെ കോടതി പതിനഞ്ച് ദിവസത്തേക്ക് റിമാന്‍റ് ചെയ്തു.
Post Your Comments