ചണ്ഡിഗഡ്: കശ്മീരിലെ അല്‍ ക്വയ്ദ തലവന്‍ പഞ്ചാബിലെത്തിയിട്ടുണ്ടെന്ന് പൊലീസിന് സൂചന ലഭിച്ചതിനെ തുടര്‍ന്ന് ഇയാള്‍ക്ക് വേണ്ടി വലവിരിച്ച് പൊലീസ്. നഗര പ്രദേശങ്ങളില്‍ ‘വാണ്ടഡ് പോസ്റ്ററുകള്‍’ പതിച്ചു.
ഭീകര സംഘടനയായ അല്‍ ക്വയ്ദയുടെ കശ്മീര്‍ തലവനായ സക്കീര്‍ മൂസയെ പിടികൂടാനുള്ള ശ്രമത്തിലാണ് ഇപ്പോള്‍ പഞ്ചാബ് പൊലീസ്. ഇയാള്‍ പഞ്ചാബിലെ ഫിറോസ്പൂരില്‍ ഉണ്ടെന്ന രഹസ്യ വിവരം ലഭിച്ചതിനെ തുടര്‍ന്നാണ് തെരച്ചില്‍ ശക്തമാക്കിയത്.
മാത്രമല്ല ഇയാളുടെ ചിത്രം പതിച്ച വാണ്ടഡ് പോസ്റ്ററുകളും നഗര പ്രദേശങ്ങളില്‍ പൊലീസ് പതിച്ചു കഴിഞ്ഞു. മൂസയുടെ നീക്കങ്ങള്‍ പൊലീസ് ഏതാനും ദിവസങ്ങളായി നിരീക്ഷിച്ചിരുന്നുവെന്നാണ് സൂചനകള്‍. ഇയാള്‍ക്കൊപ്പം മറ്റ് ചില ജെയ്ഷ ഇ മുഹമ്മദ് ഭീകര്‍ കൂടി ഫിറോസ്പൂര്‍ നഗരത്തില്‍ പ്രവേശിച്ചിട്ടുണ്ടെന്നാണ് രഹസ്യവിവരം.
Post Your Comments