കൊല്ക്കത്ത : പോലീസ് ഉദ്ധ്യോഗസ്ഥര്‍ മോശമായി പെരുമാറിയെന്ന് റിയാലിറ്റി ഷോ താരവും ഗായികയുമായ പെണ്‍കുട്ടി. ഫെയ്സ് ബുക്കിലൂടെയാണ് താന്‍ നേരിടേണ്ടി വന്ന ഭീകരമായ അവസ്ഥയെക്കുറിച്ച് മറ്റുളളവരോട് പങ്ക് വെച്ചത്. ബംഗാളിലെ വെസ്റ്റ് മിഡാനാപുരിലാണ് സംഭവം. ബംഗാളിയായ പെണ്‍കുട്ടിയാണ് പോലീസുകാരുടെ പദവിക്ക് ചേരാത്ത പ്രവൃത്തിക്ക് ഇരയാകേണ്ടിവന്നത്. അവിടെ നിന്ന് ജീവനോടെ തിരിച്ചുവരുമെന്ന് പോലും താന്‍ കരുതിയില്ലയെന്ന് പെണ്‍കുട്ടി ഫെയ്സ്ബുക്കില്‍ കുറിച്ചു.
വെസ്റ്റ് മിഡ്നാപുരിലെ ഡാന്‍റോണ്‍ പോലീസ് സ്റ്റേഷനിലാണ് പരിപാടി അവതരിപ്പിക്കാനായി പെണ്‍കുട്ടി എത്തിയത്. തുടര്‍ന്ന് സ്റ്റേജില്‍ പാടിക്കൊണ്ടിരിക്കവെ സംഘാടകര്‍ എത്തി അവരുടെ അരികിലേക്ക് അടുത്ത് നില്‍ക്കാന്‍ ആവശ്യപ്പെട്ടെന്നും പിന്നീട് മോശമായ ചെയ്തികള്‍ അവരുടെ ഭാഗത്ത് നിന്ന് ഉണ്ടായെന്നും ഗായികയായ പെണ്‍കുട്ടി ഫെയ്ല്ബുക്കില്‍ കുറിച്ചതായി റിപ്പോര്‍ട്ട്.
ഫാസ്റ്റ് നമ്പര്‍ പാട്ടുകള്‍ പാടാനും ഡാന്‍സും ചെയ്യാനും പോലീസ് ആവശ്യപ്പെട്ടെന്നും പെണ്‍കുട്ടി എഴുതിയിരിക്കുന്നു. മുതിര്‍ന്ന പോലീസുദ്ധ്യോഗസ്ഥര്‍ വേദിയില്‍ ഇരിക്കവേയാണ് ഇതൊക്കെ സംഭവിച്ചതെന്നും ഗായിക എഴുതി.
Post Your Comments