കണ്ണൂര്‍: ഡിസംബര്‍ 9 ന് കണ്ണൂരില്‍ നിന്ന് അബുദാബിയിലേക്കുളള ആദ്യ വിമാനമായ എയര്‍ ഇന്ത്യാ എക്സ്പ്രസ് പറന്നുയരുമ്പോള്‍ അതില്‍ യാത്രക്കാരായി 184 പേരുണ്ടാകും. വിമാനത്തില്‍ യാത്രക്ക് ഒരുങ്ങുന്ന ഈ യാത്രക്കാര്‍ക്കായുളള ടിക്കറ്റുകള്‍ വിറ്റ് തീര്‍ന്നത് ഞൊടിയിടയിലാണ്. വെറും 55 മിനിട്ടുകള്‍ കൊണ്ടാണ് വിമാനത്തില്‍ യാത്രക്കായുളള ആകെ വരുന്ന 184 ടിക്കറ്റുകളും വിറ്റഴിക്കപ്പെട്ടത്.
മുഖ്യമന്ത്രി പിണറായി വിജയനാണ് ഉദ്ഘാടന ദിവസം ആദ്യമായി പറന്നുയരുന്ന വിമാനത്തിന്‍റെ ഫ്ലാഗ് ഒാഫ് നിര്‍വ്വഹിക്കുക. പറന്നുയരാന്‍ തയ്യാറെടുക്കുന്ന എയര്‍ ഇന്ത്യാ എക്സ്പ്രസിന്‍റെ വിമാനം ഈ വരുന്ന എട്ടാം തിയതി വിമാനത്താവളത്തില്‍ എത്തിക്കും. അബുദാബി, റിയാദ്, മസ്കറ്റ്, ഷാര്‍ജ, ദോഹ എന്നിവടങ്ങളിലേക്കുള്ള സര്‍വീസുകളുടെ ബുക്കിംഗാണ് പ്രാഥമികമായി നടക്കുന്നത്. ദുബായിലേക്ക് ആദ്യഘട്ടത്തില്‍ കണ്ണൂരില്‍ നിന്ന് സര്‍വ്വീസുണ്ടാകില്ല.
Post Your Comments