മാവേലിക്കര: വാഹനാപകടത്തിൽ നിന്നും യാത്രിക രക്ഷപ്പെട്ടത് തലനാരിഴയ്ക്ക്. നിയന്ത്രണംവിട്ട കാര്‍ കോട്ടാതോട്ടിലേക്ക് മറിഞ്ഞുണ്ടായ അപകടത്തില്‍ കാര്‍ ഓടിച്ചിരുന്ന മാവേലിക്കര ചെട്ടികുളങ്ങര ഈരേഴ വടക്ക് സ്വദേശിനി പ്രസന്ന(52) ആണ് പരിക്കേല്‍ക്കാതെ രക്ഷപ്പെട്ടത്. മാവേലിക്കരയ്ക്കടുത്ത് മിച്ചല്‍ ജംഗ്ഷന് വടക്ക് ഭാഗത്തു ഇന്ന് രാവിലെ10.45 ഓടെയായിരുന്നു അപകടം. സമീപത്തെ എല്‍.ഐ.സി ഓഫീസിലേക്ക് എത്തിയ ഇവര്‍ പാര്‍ക്ക് ചെയ്യാനായി വാഹനം തിരിക്കുന്ന സമയത്തു നിയന്ത്രണം വിട്ട് രണ്ടാള്‍ താഴ്ച്ചയുള്ള കോട്ടത്തോട്ടിലേക്ക് മറിയുകയായിരുന്നു. ഈ സമയം അവിടെയുണ്ടായിരുന്ന നാട്ടുകാരും ഫയര്‍ഫോഴ്‌സും ചേര്‍ന്നാണ് കാറില്‍ നിന്നും ഇവരെ രക്ഷപ്പെടുത്തിയത്.
Post Your Comments