അബുദാബി: കനത്ത കാറ്റും മഴയും തുടരുന്ന അബുദാബിയില്‍ മലയാളത്തില്‍ മുന്നറിയിപ്പ് ഇറക്കി അബുദാബി പോലീസ്. അബുദാബി പോലീസിന്റെ ട്വിറ്റര്‍ പേജിലൂടെയാണ് മലയാളത്തിലുള്ള ദൃശ്യ വിവരണങ്ങളും വീഡിയോ സന്ദേശങ്ങളും പോസ്റ്റ്‌ ചെയ്തത്.
ഞായറാഴ്ചമുതല്‍ കനത്ത കാറ്റും മഴയും തുടരുന്ന സാഹചര്യത്തിലാണ് ഇത്തരമൊരു മുന്നറിയിപ്പ് ഇറക്കിയത്. പെട്ടന്നുണ്ടായ മഴയില്‍ ആളുകളെല്ലാം ഏറെ ബുദ്ധിമുട്ടുകള്‍ അനുഭവിച്ചു. നിരത്തിലുണ്ടായിരുന്നവരെല്ലാം അടുത്തുള്ള കടകളിലും ഓഫീസുകളിലും അഭയം കണ്ടെത്തി. ഉടനടി അബുദാബി പോലീസ് വിവിധ ഭാഷകളില്‍ ദൃശ്യങ്ങള്‍ സഹിതമുള്ള നിര്‍ദേശങ്ങള്‍ നല്‍കി.പൂര്‍ണ ശ്രദ്ധയോടെ സുരക്ഷിതമായി വാഹനം ഓടിക്കുക. മുന്നിലുള്ള വാഹനവുമായി മതിയായ അകലം പാലിക്കുക. പെട്ടെന്ന് ബ്രേക്ക് ഇടാതിരിക്കുക …’ തുടങ്ങിവയവയായിരുന്നു നിര്‍ദേശങ്ങള്‍.
പലയിടങ്ങളിലും മണിക്കൂറില്‍ 21 കിലോമീറ്റര്‍ വേഗമുള്ള കാറ്റാണ് വീശിയത്. 26 ഡിഗ്രി സെല്‍ഷ്യസില്‍ താഴെയാണ് പലയിടങ്ങളിലും ഊഷ്മാവ്.
— شرطة أبوظبي (@ADPoliceHQ) November 11, 2018
Post Your Comments