യുഎഇയിൽ ആഡംബരകാർ നടുറോഡിൽ കത്തിനശിച്ചു

യുഎഇ: യുഎഇയിൽ ആഡംബരകാർ അൽ ബീച്ച് താഴ്‌വരയിൽ കത്തിനശിച്ചു. റാസൽഖൈമയിൽ ശനിയാഴ്ച രാവിലെയാണ് അപകടം ഉണ്ടായത്. അപകടമുണ്ടാകാനുള്ള കാരണം ഇതുവരെ വ്യക്തമായിട്ടില്ല. കാറിന്റെ എഞ്ചിനിലാണ് ആദ്യം തീപിടുത്തം ഉണ്ടായത്. ഇത് കാറിന്റെ മറ്റു ഭാഗത്തേക്ക് പടരുകയായിരുന്നു. പെട്ടന്നു തന്നെ കാർ അഗ്നിക്കിരയാകുകയായിരുന്നു. സംഭവം നടന്ന ഉടൻ തന്നെ പോലീസും അഗ്നിശമനസേനയും സ്ഥലത്തെത്തി തീയണച്ചു. അപകടത്തിൽ ആളപായമില്ലെന്നാണ് വിവരം.