സാധാരണക്കാര്‍ക്ക് ആശ്വാസം; ഇന്ധന വിലയില്‍ വീണ്ടും ഇടിവ്

ന്യൂഡല്‍ഹി: സാധാരണക്കാര്‍ക്ക് ആശ്വാസം നല്‍കി ഇന്ധന വില വീണ്ടും കുറഞ്ഞു. അസംസ്‌കൃത എണ്ണവിലയിലുണ്ടായ ഇടിവ് മൂലമാണ്് ഇന്ധനവിലയില്‍ കുറവുണ്ടായത്. ഇന്ന് പെട്രോളിന് 18 പൈസയും ഡീസലിന് 17 പൈസയുമാണ് കുറഞ്ഞത്. തിരുവനന്തപുരത്ത് പെട്രോളിന് 81.24 രൂപയും ഡീസലിന് 77.82 രൂപയുമാണ് വില. കൊച്ചിയില്‍ പെട്രോളിന് 79.83 രൂപയും ഡീസലിന് 76.35 രൂപയുമാണ്. കോഴിക്കോട്ട് പെട്രോള്‍ വില 80.18 രൂപയും ഡീസലിന് 76.70 രൂപയുമായി. ഇതോടെ ഈ മാസം പെട്രോളിന് 1.59 രൂപയും ഡീസലിന് 1.18 രൂപയും കുറഞ്ഞു.