ലോകത്തെ ഏറ്റവും ശക്തമായ പാസ്പോർട്ട് ; സുപ്രധാന നേട്ടം കൈവരിച്ച് യുഎഇ പാസ്പോർട്ട്.

അബുദാബി : ലോകത്തെ ഏറ്റവും ശക്തമായ പാസ്പോർട്ടുകളിൽ മൂന്നാം സ്ഥാനം സ്വന്തമാക്കി യുഎഇ പാസ്പോർട്ട്. നേരത്തേ നാലാം സ്ഥാനത്തായിരുന്ന യുഎഇ പാസ്പോർട്ട് ഒരാഴ്ചയ്ക്കകമാണ് ഈ സുപ്രധാന നേട്ടം കൈവരിച്ചത്. ദുബായ് മീഡിയാ ഓഫിസാണ്  ട്വീറ്റിലൂടെ ഇകാര്യം അറിയിച്ചത്. സ്വിറ്റ്സർലൻഡ്, യുകെ, കാനഡ എന്നീ രാജ്യങ്ങൾക്കൊപ്പമാണ് യുഎഇ മൂന്നാം സ്ഥാനം പങ്കിടുന്നത്. 165 രാജ്യങ്ങളിലേക്ക് വീസ ഓൺ അറൈവൽ സൗകര്യമുള്ള സിംഗപ്പൂർ, ജർമനി എന്നീ രാജ്യങ്ങളിലെ പാസ്പോർട്ടുകൾക്കാണ് ഒന്നാം സ്ഥാനം.  മുൻകൂട്ടി വീസയെടുക്കാതെ 163 രാജ്യങ്ങൾ സ്വദേശികൾക്ക് സന്ദർശിക്കാൻ സാധിക്കുമെന്നതാണ് ഈ നേട്ടത്തിന്റെ മുഖ്യകാരണം.ഇതിൽ 113 രാജ്യങ്ങളിലേക്ക് വീസയില്ലാതെ പ്രവേശിക്കാം. 50 രാജ്യങ്ങളിൽ വീസ ഓൺ അറൈവൽ സേവനം ലഭിക്കും.