കോട്ടയം: പത്തി വിടർത്തിയ മൂര്‍ഖന്‍ പാമ്പിനെ കണ്ട് ട്രെയിൻ തനിയെ നിന്നു. എന്‍ജിനിലേക്ക് വൈദ്യൂതി എത്തിക്കുന്ന പാന്റ്റോഗ്രാഫിലാണ് പാമ്പ് കുടുങ്ങിയത്. തുടർന്ന് ട്രെയിൻ നിന്നുപോവുകയായിരുന്നു. അസമിലെ ദിബ്രുഗഡില്‍ നിന്ന് കന്യാകുമാരിയിലേക്കുളള വിവേക് എക്‌സ്പ്രസില്‍ ബുധനാഴ്ച രാവിലെയോടെയാണ് സംഭവം.
വൈക്കം റോഡ് റെയില്‍വേ സ്‌റ്റേഷനില്‍ എത്തിയപ്പോഴാണ് ലോക്കോപൈലറ്റ് പത്തി വിടര്‍ത്തി ചീറ്റുന്ന പാമ്പിനെ കണ്ടത്. തുടർന്ന് ട്രെയിൻ തനിയെ നിൽക്കുകയും ചെയ്‌തു. പരിശോധനയില്‍ പാന്റ്റോഗ്രാഫിന് ഷോര്‍ട്ടിങ് ഉണ്ടായെന്ന് കണ്ടെത്തി. ഉദ്യോഗസ്ഥരെത്തി തകരാറുകള്‍ പരിഹരിച്ചു. പാമ്പ് ഷോക്കടിച്ച്‌ ചത്തെന്നും ഉദ്യോഗസ്ഥര്‍ പറഞ്ഞു. സംഭവത്തെത്തുടർന്ന് ഒന്നരമണിക്കൂറോളം ട്രെയിൻ ഗതാഗതം തടസപ്പെട്ടു.
Post Your Comments