മോസ്‌കോ: അമ്മകരടിക്കു പിന്നാലെ അതിസാഹസികമായി മഞ്ഞുമല കയറുന്ന കുഞ്ഞുകരടിയാണ് ഇന്ന് സോഷ്യല്‍ മീഡിയകളിലെ താരം. കുത്തനെയുള്ള മഞ്ഞുമലയില്‍ നിന്നും നിരവധി തവണ താഴേയ്ക്ക് വീണിട്ടും അതൊന്നും വകവയ്ക്കാതെ വീണ്ടു മലകയറി അമ്മയുടെ അടുത്തെത്തുകയാണ് ഈ കരടികുട്ടി. അമ്മയോടൊപ്പം മലകയറ്റം ആരംഭിച്ച കുഞ്ഞു കരടി കുറച്ചു ദൂരം പിന്നിട്ടപ്പോള്‍ തന്നെ താഴേയ്ക്ക് കാല്‍ വഴുതി വീണെങ്കിലും ഇതൊന്നും വകവയ്ക്കാതെ വീണ്ടു കക്ഷി അമ്മയെ ലക്ഷ്യമാക്കി മലകയറുകയായിരുന്നു. എന്നാല്‍ നിരവധി തവണയും ഇത് ആവര്‍ത്തിച്ചെങ്കിലും വീഴ്ച തന്നെയായിരുന്നു ഫലം.
അതിവേഗം മലകയറി മുകളിലെത്തിയ അമ്മ കരടി തന്റെ കുഞ്ഞിനായി മുകളില്‍ കാത്തു നില്‍ക്കുന്നതും വീഡിയോയില്‍ കാണാം. ഓരോ തവണ വീഴുമ്പോഴും തന്റെ അമ്മയുടെ അടുത്ത് എത്തണമെന്ന ഒരൊറ്റ കാര്യമാണ് തോല്‍വികളെ അതിജീവിച്ച് കുഞ്ഞുകരടിക്ക് മലകയറാന്‍ പ്രജോധനം നല്‍കിയിരുന്നത്. ഒരോമലകയറ്റത്തിലും ചെറിയ ചെറിയ വീഴ്ചകള്‍ അവഗണിച്ച കുഞ്ഞ് കരടി അവസാനം മലയുടെ ഏറ്റവും താഴേയ്ക്ക് വീണെങ്കിലും അവിടെ നിന്നും മലകയറി അമ്മയുടെ അടുത്ത് എത്തുകയായിരുന്നു. ലക്ഷ്യങ്ങള്‍ക്കു വേണ്ടി പോരാടുമ്പോഴുണ്ടാകുന്ന തോല്‍വികളെ അവഗണിച്ച് വീണ്ടു പോരാട്ടം തുടരണമെന്ന സന്ദേശം നല്‍കിയാണ് സോഷ്യല്‍ മീഡിയകളില്‍ ഈ വീഡിയോ ഇന്ന് വൈറലാകുന്നത്.
Post Your Comments