സന്നിധാനം: ചിത്തിര ആട്ട വിശേഷ പൂജയ്ക്കായി ശബരിമല നട വീണ്ടും തുറന്നപ്പോള്‍ ശബരിമലയിലും പരിസരങ്ങളിലും പ്രതിഷേധം ശക്തമാക്കി ഭക്തര്‍. ശബരിമലയിലേയ്ക്ക് പോകുന്ന തീര്‍ത്ഥാടകരെ പോലീസ് തടഞ്ഞതിനെ തുടര്‍ന്നായിരുന്നു പ്രതിഷേധം. അതേസമയം തീര്‍ഥാടകര്‍ക്കു പമ്പയില്‍ പോകാന്‍ വേണ്ടത്ര ബസ് ഇല്ലാത്തതിനെതിരെ രാഹുല്‍ ഈശ്വര്‍ നിലയ്ക്കല്‍ നിന്നും പമ്പയിലേയ്ക്ക് തീര്‍ത്ഥാടകര്‍ക്കൊപ്പം കാല്‍ നടയായി പോയി പ്രതിഷേധം രേഖപ്പെടുത്തി.
പമ്പയിലേക്ക് പോകാന്‍ കെഎസ്ആര്‍ടിസി അനുവദിച്ചില്ലെന്ന് ആരോപിച്ച് രാവിലെ ഭക്തര്‍ കെഎസ്ആര്‍ടിസി ബസ്റ്റാന്റില്‍ പ്രതിഷേധവുമായി രംഗത്തെത്തിയിരുന്നു. അതേസമയം തീര്‍ത്ഥാടകരെ പോലീസ് തടഞ്ഞതില്‍ പ്രതിഷേധിച്ച് തിരുവനന്തപുരത്തും കൊല്ലത്തും കെഎസ്ആര്‍ടിസി ബസുകള്‍ തടഞ്ഞു പ്രതിഷേധവും അരങ്ങേറി.
Post Your Comments