അടിക്ക് തിരിച്ചടി; സുനിൽ ഛേത്രിയുടെ മിന്നൽ ഗോളിന് പെനാൽറ്റിയിലൂടെ മറുപടി നൽകി ബ്ലാസ്റ്റേഴ്‌സ്

കൊച്ചി: ഐ എസ് എല്ലില്‍ ഇന്ന് നടക്കുന്ന കേരള ബ്ലാസ്റ്റേഴ്സ്- ബെംഗളൂരു എഫ് സി പോരാട്ടത്തിൽ ഇരു ടീമുകളും ഒപ്പത്തിനൊപ്പം. പകുതി സമയത്ത് പിരിയുമ്പോൾ 1-1 എന്ന സ്കോറിലാണ് ടീമുകൾ. പതിനേഴാം മിനിറ്റിൽ സുനിൽ ഛേത്രിയുടെ ഗോളിലാണ് ബെംഗളൂരു ഗോൾ നേടിയത്. ഒന്നു രണ്ട് സുവർണാവസരങ്ങൾ പാഴാക്കിയശേഷം ഒരു പെനാൽറ്റി ലഭിച്ചതാണ് ബ്ലാസ്റ്റേഴ്സിന് തുണയായത്. ബോക്സിലേയ്ക്ക് പന്തുമായി കുതിക്കുകയായിരുന്ന സഹൽ അബ്ദു സമദിനെ നിഷു കുമാർ പിറകിൽ നിന്ന് വീഴ്ത്തിയതിനെ തുടർന്നാണ് ബ്ലാസ്റ്റേഴ്സിന് പെനാൽറ്റി ലഭിച്ചത്. സ്ലാവിസ്ല സ്റ്റോയനോവിച്ചാണ് ബ്ലാസ്റ്റേഴ്സിന് വേണ്ടി പെനാൽറ്റി ഗോൾ നേടിയത്.