പിഞ്ചുകുഞ്ഞിനെ തെരുവുനായകള്‍ക്കിടയില്‍ ഉപേക്ഷിക്കപ്പെട്ട നിലയിൽ കണ്ടെത്തി

ന്യൂഡൽഹി : രാജ്യതലസ്ഥാനത്ത് തെരുവുനായകള്‍ക്കിടയില്‍ പിഞ്ചുകുഞ്ഞിനെ ഉപേക്ഷിക്കപ്പെട്ട നിലയിൽ കണ്ടെത്തി. ന്യൂഡൽഹിയിലെ ആഫ്രിക്ക അവന്യൂ റോഡിൽ നിന്നുമാണ് കുഞ്ഞിനെ കണ്ടെത്തിയത്. ബുധനാഴ്ച്ച നാല് മണിക്കായിരുന്നു സംഭവം. പെൺകുഞ്ഞിന്‍റെ കരച്ചിൽ കേട്ടാണ് ട്രാഫിക് പൊലീസ് ഉദ്യോഗസ്ഥർ സ്ഥലത്തെത്തിയത്. തുടർന്ന് നടത്തിയ പരിശോധനയിൽ കുഞ്ഞിനെ കണ്ടെത്തുകയായിരുന്നു.

കുഞ്ഞിനെ ചികിത്സയ്ക്കായി സഫ്ദർജംഗ് ആശുപത്രിയിലേക്ക് മാറ്റി. കുഞ്ഞ് ഇപ്പോൾ സുഖമായിരിക്കുകയാണെന്ന് ആശുപത്രി വൃത്തങ്ങള്‍ അറിയിച്ചു. ആർകെ ഖന്ന ടെന്നീസ് സ്റ്റേഡിയത്തിന് സമീപത്തുള്ള ട്രാഫിക് സ്റ്റേഷനിലെ പൊലീസ് ഉദ്യോഗസ്ഥരായ അനിൽ, അമർ സിംഗ്, പർവീൻ എന്നിവരാണ് കുഞ്ഞിനെ രക്ഷപ്പെടുത്തിയത്. സംഭവത്തിൽ പോലീസ് അന്വേഷണം ആരംഭിച്ചു.