പൂനെ : സമനില കുരുക്കിൽ കൊമ്പന്മാർ. ഇരുടീമുകളും ഓരോഗോള്‍ വീതം നേടിയാണ് കേരള ബ്ലാസ്റ്റേഴ്സും പുണെ സിറ്റിയും തമ്മിലുള്ള മത്സരം അവസാനിച്ചത്. ആവേശ പോരാട്ടമായിരുന്നു കളിക്കളത്തിൽ നടന്നത്. ആദ്യ പകുതിയില്‍ മാർകോ സ്റ്റാൻകോവിക് ഗോൾ നേടി പൂനയെ മുന്നിലെത്തിച്ചു. ശേഷം നടന്ന തീപാറും പോരാട്ടത്തിൽ രണ്ടാം പകുതിയിലെ 61ആം മിനിറ്റിൽ നിക്കോള കിര്‍മാരെവിച്ച തിരിച്ചടിച്ചതോടെ നാലാം സമനില ബ്ലാസ്റ്റേഴ്സ് സ്വന്തമാക്കുകയായിരുന്നു. എന്നാലും തുടർ സമനിലകൾ ആരാധകരെ നിരാശയിലേക്ക് തള്ളിയിട്ടു എന്ന് പറയാം നിലവിലെ മത്സരത്തോടെ അഞ്ച് മത്സരങ്ങളില്‍ നിന്ന് ഏഴ് പോയിന്‍റുമായി ബ്ലാസ്റ്റേഴ്സ് അഞ്ചാം സ്ഥാനത്തേക്ക് കുതിച്ചു. അഞ്ച് മത്സരങ്ങളില്‍ നിന്ന് രണ്ട് പോയിന്‍റുമായി ഒമ്പതാം സ്ഥാനത്താണ് പൂനെ.
Post Your Comments