തിരുവനന്തപുരം തീപ്പിടുത്തം: മുഖ്യമന്ത്രി നാളെ പങ്കെടുക്കേണ്ട പരിപാടിയുടെ വേദി തകര്‍ന്നു

തിരുവനന്തപുരം: മണ്‍വിളയില്‍ പ്രവര്‍ത്തിക്കുന്ന ഫാമിലി പ്ലാസ്റ്റിക്‌സ് ഗോഡൗണില്‍ ഉണ്ടായ തീപിടുത്തം നിയന്ത്രണവിധേയമാക്കാൻ കഴിയുന്നില്ലെന്ന് റിപ്പോർട്ട്. വിഷപ്പുക ശ്വസിച്ച ഒരാളെ ആശുപത്രിയില്‍ എത്തിച്ചിട്ടുണ്ട്. കൂടാതെ തീപിടുത്തം ഉണ്ടായതിനെ തുടര്‍ന്ന് മുഖ്യമന്ത്രി നാളെ പങ്കെടുക്കേണ്ടിയിരുന്ന പരിപാടിയുടെ വേദി തകര്‍ന്നു. തീപിടിത്തം ഉണ്ടായ ഗോഡൗണിന് സമീപമായിരുന്നു വേദി. അതേസമയം, അഗ്‌നിശമന സേന ഇപ്പോള്‍ ഗോഡൗണിലെത്തി തീയണക്കാനുളള ഊര്‍ജ്ജിത ശ്രമം നടത്തുകയാണ്.