മലപ്പുറം: വനിതയുള്‍പ്പെടെയുള്ള ഓണ്‍ലൈന്‍ ടാക്‌സി ഡ്രൈവര്‍മാരെ സംഘം ചേര്‍ന്ന് മര്‍ദ്ദിച്ചു. ഓണ്‍ലൈന്‍ വഴി ബുക്ക് ചെയ്ത യാത്രക്കാരെ കൊണ്ടുപോവാനായി കരിപ്പൂര്‍ വിമാനത്താവളത്തിലെത്തിയ മൂന്നുപേര്‍ക്കാണ് മര്‍ദ്ദനമേറ്റത്. സംഭവത്തില്‍ കരിപ്പൂര്‍ പോലിസ് കേസെടുത്തു. വിമാനത്താവളത്തിന് സമീപത്തെ ടാക്‌സി ഡ്രൈവര്‍മാരാണ് മര്‍ദ്ദിച്ചത്.
ഓണ്‍ലൈന്‍ ടാക്‌സിക്കാര്‍ കരിപ്പൂരിലേക്ക് മേലില്‍ വരരുതെന്ന് പറഞ്ഞായിരുന്നു മര്‍ദ്ദനം. വനിതാ ഡ്രൈവറോട് മോശമായി പെരുമാറിയതായും പരാതിയുണ്ട്. കണ്ടാലറിയാവുന്ന ഇരുപതോളം പേര്‍ക്കെതിരേ പോലിസ് കേസെടുത്തിട്ടുണ്ട്‌.
Post Your Comments