ശബരിമല: ശബരിമലയിൽ 10 നും 50 നും ഇടയിൽ പ്രായമുള്ള സ്ത്രീകൾക്കും പ്രവേശനം അനുവദിച്ചതിന്റെ അടിസ്ഥാനത്തിൽ ഉണ്ടായ സംഘർഷങ്ങളിൽ 529 കേസുകളിൽ 3505 പേരെ അറസ്റ്റ് ചെയ്തതായി റിപ്പോർട്ട്. അക്രമസംഭവങ്ങളിൽ പങ്കെടുത്ത 200 ൽ കൂടുതൽ പേരുടെ ലുക്ക് ഔട്ട് നോട്ടീസ് കൂടി പോലീസ് പുറത്തുവിടും. ഇന്നലെ മാത്രം 108 പേരെ അറസ്റ്റ് ചെയ്തു. പൊതുമുതൽ നശിപ്പിക്കൽ, കലാപം ഉണ്ടാക്കാൻ ശ്രമം, ഉദ്യോഗസ്ഥരുടെ ജോലി തടഞ്ഞവർ എന്നിങ്ങനെ ഉള്ളവരെ ആണ് അറസ്റ്റ് ചെയ്തത്. നാമജപ ഘോഷയാത്രയിൽ പങ്കെടുത്ത സ്ത്രീകളെ ആരെയും അറസ്റ്റ് ചെയ്തിട്ടില്ല.
ഗുരുതരമായ കുറ്റം ചെയ്ത 122 പേരെ റിമാന്‍ഡ് ചെയ്തിട്ടുണ്ട്. 12 വാഹനങ്ങള്‍ പൊലീസ് കസ്റ്റഡിയിലെടുത്തു. 210 പേർ ഉള്ള ഫോട്ടോ ആൽബം പോലീസ് ഇന്ന് പുറത്തുവിടും. നേരത്തെ 420 പേർ അടങ്ങിയ ആൽബം പോലീസ് പുറത്തു വിട്ടിരുന്നു.
മാധ്യമപ്രവർത്തകരെയും പോലീസിനെയും അക്രമിച്ചവർ ഉൾപ്പടെ ഏതാനം പേരെ കൂടെ ഇനിയും പിടികൂടാൻ ഉണ്ട്. പോലീസ് വാഹനം, മാധ്യമപ്രവർത്തകരുടെ വാഹനങ്ങൾ, കെഎസ്ആർടിസി ബസ്സുകൾ എന്നിവ തകർത്തവരെ 3 മുതൽ 13 ലക്ഷം വരെ കെട്ടിവച്ചാൽ മാത്രമേ ജാമ്യത്തിൽ വിടുകയുള്ളു.
Post Your Comments