റാന്നി: വയോധികനെ ഡൽഹിയിലേക്കുള്ള തീവണ്ടിയാത്രയ്ക്കിടയിൽ ആന്ധ്രാപ്രദേശിലെ വാറംഗൽ സ്‌റ്റേഷനിൽനിന്നും കാണാതായതായി. ഇടമൺ പാറേക്കടവ് കണ്ടത്തുംവാലയിൽ പി.കെ.തങ്കപ്പനെ(85 ) യാണ് കാണാതായത് .
22-നാണ് തങ്കപ്പൻ ഡൽഹിയിലുള്ള മകളുടെ അടുത്തേക്ക് പോകുന്നതിനായി ചെങ്ങന്നൂരിൽനിന്ന് തീവണ്ടിയിൽ കയറിയത്. ആരോ അപായപ്പെടുത്താൻ ശ്രമിക്കുന്നതായും കൈവശമുണ്ടായിയുന്ന സാധനങ്ങൾ മോഷ്ടിച്ചതായും ചൊവ്വാഴ്ച രാത്രി ഒമ്പതരയോടെ തങ്കപ്പന്റെ വീട്ടിൽ വിളിച്ചറിയിച്ചതായി ബന്ധുക്കൾ വെച്ചൂച്ചിറ പോലീസിൽ നൽകിയ പരാതിയിൽ വ്യക്തമാക്കുന്നു .
പോലീസിനോട് വാറംഗൽ സ്‌റ്റേഷനിൽനിന്നാണ് സംസാരിച്ചതെന്നും ബന്ധുക്കൾ പറഞ്ഞു. ഇതിനുശേഷം തങ്കപ്പന്റെ മൊബൈൽ ഫോൺ സിച്ചോഫ് ആയി. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട് .
Post Your Comments