ശബരിമലയിൽ തീർത്ഥാടകർക്ക് നി​യ​ന്ത്ര​ണ​ങ്ങ​ള്‍ ഏ​ര്‍​പ്പെ​ടു​ത്താ​ന്‍ നിര്‍ദേശങ്ങളുമായി പോലീസ്

തി​രു​വ​ന​ന്ത​പു​രം: ശബരിമലയിൽ തീർത്ഥാടകർക്ക് നി​യ​ന്ത്ര​ണ​ങ്ങ​ള്‍ ഏ​ര്‍​പ്പെ​ടു​ത്താ​ന്‍ തയ്യാറെടുത്തു പോലീസ്. ശ​ബ​രി​മ​ല​യി​ല്‍ സ്ത്രീ ​പ്ര​വേ​ശ​നം അ​നു​വ​ദി​ച്ച സു​പ്രീം കോ​ട​തി വി​ധി​യു​ടെ പ​ശ്ചാ​ത്ത​ല​ത്തി​ല്‍ തി​രു​വ​ന​ന്ത​പു​ര​ത്തു ചേ​ര്‍​ന്ന ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​രു​ടെ യോ​ഗ​ത്തി​ലാ​ണ് ഇ​തു സം​ബ​ന്ധി​ച്ച ധാരണയിൽ എത്തിയത്.

സ​ന്നി​ധാ​ന​ത്തു തീ​ര്‍​ഥാ​ട​ക​ര്‍​ക്കു ചെ​ല​വ​ഴി​ക്കാ​നു​ള്ള സ​മ​യം നിയന്ത്രിക്കുമെന്നാണ് സൂചന. 24 മ​ണി​ക്കൂ​റി​ന​പ്പു​റം ആ​രേ​യും സ​ന്നി​ധാ​ന​ത്തു ത​ങ്ങാ​ന്‍ അ​നു​വ​ദി​ക്കി​ല്ല. ഇതിന്റെ ഭാഗമായി ഒ​രു ദി​വ​സ​ത്തി​ന​പ്പു​റം മു​റി​ക​ള്‍ വാ​ട​ക​യ്ക്ക് ന​ല്‍​ക​രു​തെ​ന്നു ലോ​ഡ്ജ് ഉ​ട​മ​ക​ള്‍​ക്കു കർശന നിർദേശം നൽകും. നി​ല​യ്ക്ക​ല്‍ മു​തലുള്ള തീ​ര്‍​ഥാ​ട​ക തി​ര​ക്കു നി​യ​ന്ത്രി​ക്കാൻ പോ​ലീ​സ് മു​ന്‍​ക​രു​ത​ല്‍ സ്വീ​ക​രി​ക്കും. നി​ര്‍​ദേ​ശ​ങ്ങ​ള്‍ പോ​ലീ​സ് സ​ര്‍​ക്കാ​രി​നു സ​മ​ര്‍​പ്പി​ച്ചു. അതോടൊപ്പം തന്നെ പമ്പയിൽ കൂടുതൽ വനിത പൊലീസുകാരെ വിന്യസിക്കേണ്ടതില്ലെന്നും വിലയിരുത്തി.

കൂടാതെ ശ​ബ​രി​മ​ല​യി​ല്‍ ക​ഴി​ഞ്ഞ ദി​വ​സ​ങ്ങ​ളി​ല്‍ ഉ​ട​ലെ​ടു​ത്ത സം​ഘ​ര്‍​ഷ​ത്തി​നു പി​ന്നി​ല്‍ പ്ര​വ​ര്‍​ത്തി​ച്ച​വ​രെ ക​ണ്ടെ​ത്താ​ന്‍ പ്ര​ത്യേ​ക അ​ന്വേ​ഷ​ണ സം​ഘം രൂ​പീ​ക​രി​ക്കാ​നും ധാ​ര​ണ. സംഘര്‍ഷവുമായി ബന്ധപ്പെട്ട കേസുകളില്‍ തുടര്‍ അന്വേഷണം ഉണ്ടാകും. സോഷ്യല്‍ മീഡിയ വഴി തെറ്റായ പ്രചാരണം നടത്തിയവര്‍ക്കെതിരെയും നടപടി പ്രതീക്ഷിക്കാം.