സൗദിയിലെ ദമ്മാമില്‍ വെച്ച് പത്ത് ദിവസമായി കാണാതായ മലയാളി യുവാവിനെ കണ്ടെത്തിയാതായി റിപ്പോർട്ടുകൾ. ഈ മാസം 13 മുതലാണു മലപ്പുറം നിലമ്പൂര്‍ ചുള്ളിയോട് സ്വദേശി ജിഷ്‌ണുവിനെ കാണാതായത്. അൽ ഹസയിൽ വീട്ടുഡ്രൈവറായി ജോലി ചെയ്തുവരികയായിരുന്ന ജിഷ്‌ണുവിനെ ഇപ്പോൾ അല്‍ഖോബാറിലെ പോലീസ് സ്‌റ്റേഷനില്‍ ആണ് കണ്ടെത്തിയത്.
നാട്ടിലേക്ക് വരുന്ന സുഹൃത്തിനെ ദമാം രാജ്യാന്തര വിമാനത്താവളത്തിൽ കൊണ്ടുവിട്ടശേഷം തിരികെ പോന്ന ജിഷ്‌ണുവിനെക്കുറിച്ച് പിന്നീട് യാതൊരു വിവരവും ലഭിക്കാതാവുകയായിരുന്നു. ജിഷ്‌ണുവിനെയും ഇദ്ദേഹം ഓടിച്ചിരുന്ന വാഹനത്തെയും കുറിച്ച് വിവരങ്ങള്‍ ലഭിക്കാതായതോടെയാണ് ബന്ധുക്കളും സുഹൃത്തുക്കളും ചേര്‍ന്ന് അന്വേഷണം ആരംഭിച്ചത്. ഒപ്പം പ്രവിശ്യയിലെ വിവിധ സംഘടന പ്രവര്‍ത്തകരും സാമൂഹ്യ പ്രവര്‍ത്തകരും ഇവര്‍ക്ക് സഹായത്തിനായി എത്തുകയായിരുന്നു.
സ്‌പോണ്‍സറുമായി ചേര്‍ന്ന് പ്ലീസ് ഇന്ത്യ പ്രവര്‍ത്തകര്‍ നടത്തിയ തെരച്ചിലിനൊടുവിലാണ് ജിഷ്‌ണുവിനെ ദമ്മാം അല്‍ഖോബാര്‍ പോലീസ് സ്‌റ്റേഷനില്‍ കണ്ടെത്തിയത്. വാഹന നിയമലംഘനത്തിന്റെ പേരിലാണ് പോലീസ് ജിഷ്‌ണുവിനെതിരെ പിടിയിലായതെന്നാണ് അറിയാൻ കഴിഞ്ഞത്.
Post Your Comments