ന്യൂ ഡൽഹി : ഡല്‍ഹി ഡൈനാമോസ് ചെന്നൈയിന്‍ എഫ്സി മത്സരം അവസാനിച്ചത് ഗോള്‍രഹിത സമനിലയിൽ. ഡൈനാമോസിന്റെ ഹോം ഗ്രൗണ്ടില്‍ നടന്ന മത്സരത്തില്‍ ഒരു ഗോൾ പോലും അടിക്കാനാകാതെ നിലവിലെ ചാംപ്യന്മാര്‍ മോശം പ്രകടനം തുടരുന്ന കാഴ്ചയാണ് കണ്ടത്. പുതിയ സീസണില്‍ ഇരു ടീമുകളുടെ കഴിയിലും വിജയം വീണു കിട്ടിയിട്ടില്ല. ചെന്നൈയിക്ക് മൂന്ന് തോല്‍വിയും ഒരു സമനിലയും ഡല്‍ഹിക്ക് മുന്ന് സമനിലയും ഒരു തോല്‍വിയുമാണ് കൈവശമുള്ളത്.
മത്സരത്തില്‍ ആധിപത്യം പുലര്‍ത്താന്‍ ഡൽഹിക്ക് സാധിച്ചു. മത്സരത്തിന്റെ രണ്ടാം പകുതിയില്‍ നിരവധി അവസരങ്ങള്‍ ചെന്നൈയിന്റെ താരങ്ങള്‍ ഒരുക്കിയെടുത്തെങ്കിലും ഡല്‍ഹിയുടെ സ്പാനിഷ് ഗോള്‍ കീപ്പര്‍ ഫ്രാന്‍സിസ്‌കോ ഡൊറോണ്‍സൊറോയുടെ പ്രകടനം ടീമിനെ രക്ഷിച്ചു.ഇതോടെ നാല് മത്സരങ്ങളില്‍ നിന്ന് ഒരു പോയിന്റുമായി ചെന്നൈയിൻ എഫ്സി ഒമ്പതാം സ്ഥാനത്താണ്. മൂന്ന് പോയിന്റുള്ള ഡൽഹി ഏട്ടാം സ്ഥാനമാണുമുള്ളത്.
Post Your Comments