ദമാം: ദമാമിൽനിന്ന് ഒരാഴ്ചയ്ക്കിടെ കാണാതായത് രണ്ട് മലയാളികളെ. വിമാനത്താവളത്തിലേക്കു പോകുകയും വരികയും ചെയ്യുന്നതിനിടെ കണ്ണൂർ സ്വദേശി അഷ്റഫ്, നിലമ്പൂർ ചുള്ളിയോട് സ്വദേശി ജിഷ്ണു എന്നിവരെയാണ് കാണാതായത്. സുഹൃത്തിനെ സ്വീകരിക്കാൻ വിമാനത്താവളത്തിലേക്കു പോകുകയാണെന്ന് പറഞ്ഞാണ് അഷ്റഫ് പോയത്. ഈ മാസം 13 മുതലാണു ജിഷ്ണുവിനെ കാണാതായത്. അൽ ഹസയിൽ വീട്ടുഡ്രൈവറായി ജോലി ചെയ്തുവരികയായിരുന്നു. സുഹൃത്തിനെ ദമാം രാജ്യാന്തര വിമാനത്താവളത്തിൽ കൊണ്ടുവിട്ടശേഷം തിരികെ പോന്ന ജിഷ്ണുവിനെക്കുറിച്ച് പിന്നീട് യാതൊരു വിവരവും ലഭിച്ചിട്ടില്ല. ഇവർക്ക് വേണ്ടി തിരച്ചിൽ തുടരുകയാണ്.
Post Your Comments