തിരുവന്തപുരം: ട്രാക്കില്‍ അറ്റകുറ്റപ്പണികള്‍ നടക്കുന്നതിനാല്‍ കോട്ടയം വഴി പോകുന്ന മൂന്നു ട്രെയിനുകള്‍ റദ്ദാക്കി. എറണാകുളം-കൊല്ലം-എറണാകുളം മെമു പാസഞ്ചര്‍, എറണാകുളം-കായംകുളം-എറണാകുളം പാസഞ്ചര്‍, ആലപ്പുഴ വഴി പോകുന്ന എറണാകുളം-കായംകുളം-എറണാകുളം പാസഞ്ചര്‍ എന്നീ ട്രെയിനുകളാണ് റദ്ദാക്കിയത്.
അതേസമയം ഹൈദരാബാദ് ശബരി എക്‌സ്പ്രസ്, കണ്ണൂര്‍-തിരുവന്തപുുരം ജനശതാബ്ദി എക്‌സ്പ്രസ്, ന്യൂഡല്‍ഹി- തിരുവന്തപുരം കേരള എക്‌സ്പ്‌സ് ട്രെയിനുകള്‍ ആലപ്പുഴ വഴിയായിരിക്കും പോകുന്നത്. കൂടാതെ ഈ ട്രെയിനുകള്‍ക്ക് അമ്പലപ്പുഴ, ചേര്‍ത്തല സ്‌റ്റേഷനുകളില്‍ ഒരു മിനിറ്റ് സ്റ്റോപ് അനുവദിച്ചിട്ടുണ്ട്. ഇതേസമയം കന്യാകുമാരി-മുംബൈ ജയന്തി ജനത എക്‌സ്പ്രസ് കോട്ടയം സ്റ്റേഷനില്‍ ഒന്നേകാല്‍ മണിക്കൂര്‍ പിടിച്ചിടുമെന്നും റെയില്‍വെ അറിയിച്ചിട്ടുണ്ട്.
Post Your Comments