ഓട്ടോറിക്ഷയില്‍ ടൂറിസ്റ്റ് മിനി ബസിടിച്ച്‌ ഒരാൾ മരിച്ചു ; നാലുപേരുടെ നില ഗുരുതരം

കുമ്പള :വാഹനാപകടത്തിൽ ഒരാൾ മരിച്ചു. നാലുപേരുടെ നില ഗുരുതരം. മംഗളൂരുവിൽ ദസറ ആഘോഷം കഴിഞ്ഞ് മടങ്ങിയ യുവാക്കള്‍ സഞ്ചരിച്ച ഓട്ടോറിക്ഷയില്‍ ടൂറിസ്റ്റ് മിനി ബസിടിച്ച്‌ സൂരംബയലിലെ സദാനന്ദന്‍ (20) ആണ് മരിച്ചത്. ശനിയാഴ്ച പുലര്‍ച്ചെ നാലു മണിയോടെ ഉപ്പള റെയില്‍വേ ഗേറ്റിന് സമീപമായിരുന്നു അപകടം. ഇടിയുടെ ആഘാതത്തില്‍ ഓട്ടോറിക്ഷ പൂര്‍ണമായും തകര്‍ന്നു. ഓട്ടോയ്ക്കകത്ത് കുടുങ്ങിയ സദാനന്ദനെ ഉടന്‍ പുറത്തെടുത്ത് മംഗളൂരുവിലെ ആശുപത്രിയിത്തിച്ചെങ്കിലും രക്ഷിക്കാൻ ആയില്ല. ഗുരുതരമായി പരിക്കേറ്റ സദാനന്ദന്റെ സുഹൃത്തുക്കളായ സുനില്‍ (28), പ്രസാദ് (27), സായി പ്രസാദ് (19), ശ്രീജിത് (20) എന്നിവര്‍ ചികിത്സയിലാണ്.