ജമ്മു: ഇന്ത്യന്‍ സെെന്യത്തിന്‍റെ അതിശക്തമായ പ്രത്യാക്രമത്തിലൂടെ 3 പാക്ക് ഭീകരര്‍ കൊല്ലപ്പെട്ടു. ജമ്മു കാഷ്മീരിലെ രാംപുര്‍ സെക്ടറില്‍ അതിര്‍ത്തി ലംഘിച്ച് നുഴഞ്ഞ് കയറ്റം നടക്കുന്നു എന്ന രഹസ്യ വിവരം ലഭിച്ചതിനെ തുടര്‍ന്നാണ് സെെന്യം തിരച്ചില്‍ നടത്തിയത്.
തിരച്ചിലിനെ തുടര്‍ന്ന് ഭീകരര്‍ ചിതറി ഒാടുകയും സെെന്യത്തിന് നേരെ വെടിയുതിര്‍ക്കുകയും ആയിരുന്നു. തുടര്‍ന്ന് ഇന്ത്യന്‍ സെെന്യം നടത്തിയ ശക്തമായ വെടിവെപ്പിലൂടെയാണ് ഭീകരരെ വധിച്ചത്. പ്രദേശത്ത് ഭീകരരുടെ സാന്നിധ്യമില്ലെന്ന് ഉറപ്പാക്കുന്നതിനായി ഇപ്പോഴും സെെന്യം തിരച്ചില്‍ തുടരുകയാണ്. ഭീകരര്‍ ഏത് സംഘടനയില്‍ പെട്ടവരാണെന്ന് വ്യക്തമല്ല.
Post Your Comments