കാസർഗോഡ് : വാഹനാപകടത്തിൽ കോളജ് വിദ്യാര്‍ത്ഥിക്ക് ദാരുണാന്ത്യം.മൂഡുബിദ്രിയില്‍ കോളേജ് വിദ്യാര്‍ത്ഥിയും സീതാരാമ ഗൗഡയിലെ മിജാറിന്റെ മകനുമായ മോഹിത് (19) ആണ് ബൈക്കില്‍ നിന്നും തെറിച്ചു വീണ് ബസ് കയറി മരിച്ചത്. മൂഡുബിദ്രി ദേശീയപാതയിൽ ബുധനാഴ്ച വൈകിട്ടോടെയായിരുന്നു അപകടം.
ക്ലാസ് കഴിഞ്ഞ് സുഹൃത്തിനൊപ്പം ബൈക്കില്‍ വീട്ടിലേക്ക് വരവെ ബൈക്ക് തെന്നിവീണ് മോഹിത് ബസിനടിയില്‍പെടുകയും ടയര്‍ കയറിയിറങ്ങുകയും ചെയ്തു. ഗുരുതരമായി പരിക്കേറ്റ വിദ്യാര്‍ത്ഥി സംഭവസ്ഥലത്ത് വെച്ച്‌ തന്നെ മരണപ്പെട്ടു. ഒപ്പമുണ്ടായിരുന്ന സുഹൃത്ത് റിഷാഭ് പരിക്കുകളോടെ രക്ഷപ്പെട്ടു. സംഭവത്തില്‍ മൂഡുബിദ്രി പോലീസ് കേസെടുത്തു.
Post Your Comments