വർക്കല: വനിതാ പോലീസുകാരിയെയും, വഴിയോര കച്ചവടക്കാരിയെയും ആക്രമിച്ച യുവതി അറസ്റ്റിലായി. ശിവഗിരി ആൽത്തറമൂട്ടിൽ ഉന്തുവണ്ടി കച്ചവടക്കാരിയെ ആക്രമിക്കുകയും സാധനങ്ങൾ നശിപ്പിക്കുകയും ചെയ്തചാത്തന്നൂർ കോതേരിമുക്ക് രോഹിണി നിവാസിൽ നാസിയ(28)യാണു റിമാൻഡിലായത്.
സംഭവദിവസം ശിവഗിരി ആൽത്തറമൂട്ടിൽ ഉന്തുവണ്ടിയിൽ കച്ചവടം നടത്തുന്ന നബീസയുടെ പക്കൽ നിന്നും വാങ്ങിയ ആഹാരസാധനങ്ങളിൽ കുറ്റം പറഞ്ഞു നാസിയയും ഭർത്താവും വഴക്കിട്ടതാണു പ്രശ്നങ്ങളുടെ തുടക്കം. തടയാൻ ശ്രമിച്ചവരെയും സ്ഥലത്തെത്തിയ വനിതാ പൊലീസിനെയും തെറിവിളിയുമായി നാസിയ നേരിട്ടതോടെ നാട്ടുകാരുടെ സഹായത്തോടെ പൊലീസ് ജീപ്പിൽ കയറ്റിയെങ്കിലും വനിതാ പൊലീസുകാരായ ഉഷ, അനുപമ എന്നിവരെ ആക്രമിച്ചു കൈകൾ കടിച്ചു പരുക്കേൽപിക്കുകയും ജീപ്പിന്റെ വാതിൽ ചവിട്ടി തുറക്കാനും ശ്രമിച്ചു.
എന്നാൽ റിമാൻഡു ചെയ്യാനായി മജിസ്ട്രേട്ടിനു മുമ്പാകെ ഹാജരാക്കാൻ ജീപ്പിൽ പോകവെയും പ്രതി വീണ്ടും പൊലീസുകാരിയെ ആക്രമിക്കാൻ ശ്രമിച്ചതായാണു വിവരം.
Post Your Comments