ന്യൂഡല്‍ഹി: ശബരിമല സ്തീപ്രവേശനവുമായി ബന്ധപ്പെട്ട സുപ്രീംകോടതി വിധി പുന:പരിശോധിക്കണമെന്ന് ആവശ്യപ്പെട്ട് ക്ഷേത്രം തന്ത്രി കുടുംബമായ താഴമണ്‍ മഠത്തിനു വേണ്ടി തന്ത്രി കണ്ഠരര് രാജീവര് ഹര്‍ജി നല്‍കി. കൂടാതെ അഖില ഭാരതീയ മലയാളി സംഘ് ജനറല്‍ സെക്രട്ടറി ഷൈന്‍ പി. ശശിധര്‍, കേരളാ ക്ഷേത്ര സംരക്ഷണ സമിതിക്ക് വേണ്ടി സ്വാമി അയ്യപ്പദാസ്, മാതൃസമിതിക്ക് വേണ്ടി ഡോ.ഗീത എന്നിവരുടെ പുന:പരിശോധനാ ഹര്‍ജികളും ഇന്നലെ ഫയല്‍ ചെയ്തു.
കേസിന്റെ വാദ സമയത്ത് തങ്ങള്‍ നല്‍കിയ സത്യവാങ്മൂലം അഞ്ചംഗ ഭരണഘടനാ ബെഞ്ച് പരിഗണിച്ചില്ലെന്ന് മലയാളി സംഘിന്റെ ഹര്‍ജിയില്‍ പറയുന്നു. അതേസമം തന്ത്രി കുടുംബത്തിനു വേണ്ടി അഡ്വ. മാലിനി പൊതുവാള്‍ മുഖേനെ നല്‍കിയ ഹര്‍ജിയില്‍ കേസ് ഉയര്‍ന്ന ബെഞ്ചിന്റെ പരിഗണനയ്ക്ക് വിടണമെന്ന് ആവശ്യപ്പെടുന്നു.
Post Your Comments